AKP កំពង់ចាម ថ្ងៃទី៩ ខែកញ្ញា ឆ្នាំ២០២៦--លោក ផេន សុផល អភិបាលរង នៃគណៈអភិបាលខេត្តកំពង់ចាម បានលើកឡើងថា គម្រោងអភិវឌ្ឍន៍ និងកម្មវិធីវិនិយោគបីឆ្នាំរំកិលនៅថ្នាក់ក្រោមជាតិ គឺចក្ខុវិស័យប្រែក្លាយប្រទេស កម្ពុជា ជាប្រទេសដែលមានចំណូលមធ្យមកម្រិតខ្ពស់ក្នុងឆ្នាំ២០៣០ និងជាប្រទេសមានចំណូល ខ្ពស់ក្នុងឆ្នាំ២០៥០ ហើយក៏ជាចក្ខុវិស័យនៃការអភិវឌ្ឍជាតិរយៈពេលវែង។ ការអភិវឌ្ឍមូលដ្ឋាន ដែលមានប្រសិទ្ធភាព គឺជាការរៀបចំផែនកាអភិវឌ្ឍន៍ច្បាស់លាស់របស់អាជ្ញាធរមូលដ្ឋាន បណ្តា អង្គភាព ឬស្ថាប័ន ក្នុងការចូលរួមពិគ្រោះយោបល់ លើគម្រោងអភិវឌ្ឍន៍ក្រោមការសម្របសម្រួល និងការរួមបញ្ចូលធនធានពីគ្រប់ភាគីពាក់ព័ន្ធ រៀបចំកម្មវិធីវិនិយោគថ្នាក់ក្រោមជាតិវាជាផ្នែក មួយក្នុងការសម្រេចឱ្យបាននូវចក្ខុវិស័យប្រែក្លាយប្រទេសកម្ពុជា ជាប្រទេសដែលមានចំណូល មធ្យមកម្រិតខ្ពស់ក្នុងឆ្នាំ២០៣០ និងជាប្រទេសមានចំណូលខ្ពស់ក្នុងឆ្នាំ២០៥០។

នេះជាការថ្លែងរបស់លោកអភិបាលរង នៃគណៈអភិបាលខេត្តកំពង់ចាម ក្នុងអង្គសិក្ខា សាលាសមាហរណកម្មកម្មវិធីវិនិយោគបីឆ្នាំរំកិល (២០២៧-២០២៩) របស់រដ្ឋបាលស្រុក ឃុំ ក្នុងស្រុកជើងព្រៃខេត្តកំពង់ចាម នាព្រឹកថ្ងៃទី៩ ខែកញ្ញា ឆ្នាំ២០២៦នេះ នៅសាលប្រជុំសាលា ស្រុក។

លោក ផេន សុផល បានបញ្ជាក់ថា ដំណើរការរៀបចំផែនការ និងកម្មវិធីវិនិយោគនៅ ថ្នាក់ក្រោមជាតិ គឺជាជំហានដ៏សំខាន់ក្នុងការទ្រទ្រង់ដល់ការសម្រេចបាននូវចក្ខុវិស័យ អភិវឌ្ឍន៍ជាតិរយៈពេលវែង។ រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដាក់ចេញនូវ យុទ្ធសាស្ត្របញ្ចកោណដំណាក់កាលទី១ ដើម្បី កំណើន ការងារ សមធម៌ ប្រសិទ្ធភាព និងចីរភាព សំដៅប្រែក្លាយប្រទេសកម្ពុជា ជាប្រទេសដែលមានចំណូលមធ្យមកម្រិតខ្ពស់ក្នុងឆ្នាំ២០៣០ និងជាប្រទេសមានចំណូលខ្ពស់ក្នុងឆ្នាំ២០៥០៕

ដោយ ឆាយ ម៉ុត