AKP ភ្នំពេញ ថ្ងៃទី០៧ ខែកញ្ញា ឆ្នាំ២០២៦ -- ការរៀបចំកិច្ចប្រជុំត្រីភាគីដែលពាក់ព័ន្ធនឹងមេដឹកនាំនៃប្រទេសរុស្ស៊ី ចិន និងសហរដ្ឋអាមេរិក មិនត្រូវបានច្រានចោលនោះទេ។ នេះបើយោងតាមអនុរដ្ឋមន្ត្រីការបរទេសរុស្ស៊ីលោក ស៊ែរហ្គេយ រីយ៉ាបកូវ បាននិយាយនៅក្នុងបទសម្ភាសន៍មួយជាមួយទីភ្នាក់ាងារសារព័ត៌មានតាសស៍ (TASS)។

លោកអនុរដ្ឋមន្ត្រីបានមានប្រសាសន៍ថា «គំនិតនេះមានហើយ។ វាត្រូវបានណែនាំទៅក្នុងទីសាធារណៈ។ វានឹងជាការបំផ្លើសក្នុងការនិយាយថា​ វាកំពុងឈានចូលដល់ដំណាក់កាលនៃការរៀបចំ។ នៅទីនេះ សំណួរចម្បង គឺអាស្រ័យលើរបៀបដែលផ្នែកសំខាន់ៗនឹងត្រូវបានរៀបចំឡើង និងអ្វីដែលយើងនឹងរំពឹងទុកជាលទ្ធផល? ទោះបីជាវាច្បាស់ណាស់ថា ទម្រង់នៃកិច្ចប្រជុំជាទម្រង់ពិសេសនៅកម្រិតខ្ពស់បំផុត គឺមានសារៈសំខាន់ខ្លាំងណាស់ ហើយបញ្ជូនសញ្ញាដ៏ត្រឹមត្រូវ។ ឧទាហរណ៍ ទម្រង់ RIC»។

លោក រីយ៉ាបកូវ បានបន្ថែមថា «ប៉ុន្តែទម្រង់ត្រីភាគីដែលមានការចូលរួមពីមេដឹកនាំនៃប្រទេសរុស្ស៊ី ចិន និងសហរដ្ឋអាមេរិក មិនទាន់ត្រូវបានអនុវត្តនៅឡើយទេ។ ជាការពិតណាស់ ខ្ញុំមិនអាចច្រានចោលអ្វីទាំងអស់។ប៉ុន្តែពីទស្សនៈជាក់ស្តែង ខ្ញុំគ្មានអ្វីត្រូវបន្ថែមនៅថ្ងៃនេះចំពោះអ្វីដែលខ្ញុំទើបតែនិយាយនោះទេ»៕

ដោយ៖ យា ចិន្ដាខន្ដី (ប្រភព៖ តាសស៍)