AKPភ្នំពេញ ថ្ងៃទី ៣១ ខែ សីហា ឆ្នាំ ២០២៦---

នៅក្នុងខែ សីហា ឆ្នាំ ២០២៦អង្គភាពប្រឆាំងអំពើពុករលួយ បានដំណើរការពិនិត្យ វិភាគ និងធ្វើការសម្រេចលើពាក្យប្ដឹង សរុបចំនួន ៣៣ ពាក្យប្ដឹង និងបានបញ្ជូនសំណុំរឿងមួយករណី ទៅសាលាដំបូងរាជធានីភ្នំពេញ។

យោងតាមកិច្ចប្រជុំក្រុមប្រឹក្សាជាតិប្រឆាំងអំពើពុករលួយ (ក.ជ.ប.ព.) លើកទី១២ អាណត្តិទី៤ ដែលបានដំណើរការ ក្រោមអធិបតីភាពដ៏ខ្ពង់ខ្ពស់របស់ សម្តេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិប្រឆាំងអំពើពុករលួយបានឱ្យដឹងថា កាលពីថ្ងៃទី២៣ ខែសីហា ឆ្នាំ២០២៦ អង្គភាពប្រឆាំងអំពើពុករលួយ បានបញ្ជូនសំណុំរឿង និងជនសង្ស័យ ៣នាក់ រួមមាន ឈ្មោះ ថូ សំណាង ភេទ ប្រុស មុខរបរ ទីប្រឹក្សាក្រសួងការបរទេស និងសហ ប្រតិបត្តិការអន្តរជាតិ ឋានៈ អគ្គនាយក ដែលជាប់សង្ស័យក្នុងអំពើ បំផ្លាញដោយចេតនា និងគែបំបាត់ ដោយទុច្ចរិត បទរំលោភអំណាច និងបទសម្អាតប្រាក់ និងជនសង្ស័យ ២នាក់ ទៀតរួមមានឈ្មោះ ណុប រដ្ឋា ភេទ ប្រុស មុខរបរ អនុប្រធានការិយាល័យកិច្ចគាំពារពលរដ្ឋខ្មែរ នាយកដ្ឋាន កិច្ចការកុងស៊ុល និង ឈ្មោះ យស់ រ៉ាណេ ភេទ ប្រុស មុខរបរ អតីតមន្ត្រីកិច្ចសន្យា នៃ នាយកដ្ឋាន កិច្ចការកុងស៊ុល ដែលជាប់សង្ស័យក្នុងអំពើសមគំនិត បំផ្លាញដោយចេតនា និងគែបំបាត់ ដោយទុច្ចរិត បទរំលោភអំណាច និងបទសម្អាតប្រាក់។

ក្នុងសំណុំរឿងនេះ អង្គភាពប្រឆាំងអំពើពុករលួយបានរកឃើញថា ឈ្មោះ ថូ សំណាង បានលួចយកសន្លឹកទិដ្ឋាការ ប្រភេទ C និង Cex ជាង ៦ ០០០ សន្លឹកប្រើប្រាស់ ដោយខុសច្បាប់ ហើយជាង ៤ ០០០ សន្លឹកទៀត ខ្លួនបានបំផ្លាញចោល។

ជាមួយគ្នានេះអង្គភាពប្រឆាំងអំពើពុករ លួយ ក៏បានរកឃើញថា សន្លឹកទិដ្ឋាការ ដែលបានលួចបញ្ចេញដោយខុសច្បាប់នោះ ត្រូវបានប្រើប្រាស់ដោយជនបរ ទេស ដែល ជាពួក online scams ។ អំពើល្មើសនេះ ត្រូវបានប្រព្រឹត្ត និងសមគំនិតប្រព្រឹត្តដោយជនសង្ស័យ ទាំង ៣ នាក់នេះផងដែរ។

គួរបញ្ជាក់ថាក្នុងខែសីហានេះដែរក៏មានមន្ត្រីចំនួន ២១៤ រូប បានមកប្រកាសទ្រព្យសម្បត្តិ និងបំណុល ក្នុងនោះមន្ត្រីទើបទទួលបានការ តែងតាំងថ្មីចំនួន ៨៣ រូប, មន្ត្រី ចំនួន ១រូប បានប្រកាសក្រោយបញ្ឈប់ពីមុខតំណែង និង ១៣០រូបទៀត បានមកប្រកាសទ្រព្យសម្បត្តិ និងបំណុល ដោយមូលហេតុលាឈប់ ឬចប់អាណត្តិ និងចូលនិវត្តន៍ជាដើម៕

ដោយ៖មករា