AKP ភ្នំពេញ ថ្ងៃទី២៨ ខែសីហា ឆ្នាំ២០២៦ -- ប្រភពព័ត៌មានជាន់ខ្ពស់មួយរបស់អ៊ីរ៉ង់បាននិយាយកាលពីពេលថ្មីៗនេះថា អ៊ីរ៉ង់ និងអូម៉ង់នៅតែកំពុងធ្វើការងារទៅលើព័ត៌មានលម្អិតនៃកិច្ចព្រមព្រៀង ស្តីពីច្រកសមុទ្រហ័រមុស បន្ទាប់ពីឆ្មាំបដិវត្តន៍អ៊ីរ៉ង់បាននិយាយថា ប្រទេសទាំងពីរបានព្រមព្រៀងគ្នាពីរបៀបចែករំលែកផ្លូវទឹក និងប្រាក់ចំណូល។

អ្នកនាំពាក្យរបស់កងកម្លាំងពិសេសរបស់ទីក្រុងតេអេរ៉ង់ ក៏បាននិយាយផងដែរថា ច្រកសមុទ្រនេះនឹងមិនបើកទេ លុះត្រាតែសហរដ្ឋអាមេរិកបំពេញតាមលក្ខខណ្ឌរបស់ទីក្រុងតេអេរ៉ង់ ក្រោមកិច្ចព្រមព្រៀងបទឈប់បាញ់បណ្តោះអាសន្ន ដែលត្រូវបានចុះហត្ថលេខាក្នុងខែមិថុនា មុនពេលមានការរំសាយ។ លក្ខខណ្ឌទាំងនោះរួមមាន ការបញ្ចប់ការបិទផ្លូវរបស់សហរដ្ឋអាមេរិកលើកំពង់ផែអ៊ីរ៉ង់ សំណង និងការដកចេញនូវទណ្ឌកម្ម។

អ៊ីរ៉ង់ និងអូម៉ង់បានធ្វើកិច្ចពិភាក្សាជាបន្តបន្ទាប់អស់រយៈពេលជាច្រើនសប្តាហ៍អំពីការគ្រប់គ្រងចរាចរណ៍ឆ្លងកាត់ច្រកសមុទ្រនេះ ដែលបានដោះស្រាយការដឹកជញ្ជូនប្រេង និងឧស្ម័នធម្មជាតិរាវមួយភាគប្រាំទូទាំងពិភពលោក មុនពេលសង្គ្រាមចាប់ផ្តើមនៅក្នុងខែកុម្ភៈ។

ការដឹកជញ្ជូនភាគច្រើនត្រូវបានបិទចាប់តាំងពីពេលនោះមក ដែលធ្វើឱ្យតម្លៃថាមពលពិភពលោកកើនឡើង ខណៈដែលទីក្រុងតេអេរ៉ង់ និងទីក្រុងវ៉ាស៊ីនតោន បានព្យាយាមអះអាងការគ្រប់គ្រងលើច្រកសមុទ្រនេះ ដោយដាក់ការបិទផ្លូវដាច់ដោយឡែកពីគ្នា៕

ដោយ៖ យា ចិន្ដាខន្ដី (ប្រភព៖ កូរ៉េថាមស៍)