AKP ភ្នំពេញ ថ្ងៃទី២៨ ខែសីហា ឆ្នាំ២០២៦ -- យោងតាមការចុះផ្សាយរបស់អគ្គសេនាធិការចម្រុះ (JCS) បានឱ្យដឹងថា ឧត្តមសេនីយ៍ ជីន យ៉ុងស៊ុង(Jin Yong-sung) ប្រធានអគ្គសេនាធិការចម្រុះ បានទៅទស្សនាកងពលយន្តហោះចម្បាំង និងអង្គភាពមីស៊ីលរបស់កងទ័ពកាលពីថ្ងៃព្រហស្បតិ៍ដើម្បីត្រួតពិនិត្យការត្រៀមខ្លួនការពារជាតិ និងលើកទឹកចិត្តកងទ័ព។

យោងតាម ​​JCS បានឱ្យដឹងថា ខណៈពេលកំពុងទៅទស្សនាអង្គភាពទាំងនោះ លោក ជីន បានសង្កត់ធ្ងន់លើតម្រូវការក្នុងការរក្សា «សមត្ថភាពនិងការត្រៀមខ្លួនដ៏លើសលប់» ដើម្បីចាប់ផ្តើមការវាយប្រហារតបតវិញយ៉ាងឆាប់រហ័ស ក្នុងករណីមានការញុះញង់ពីសត្រូវ។

JCS បានបន្ថែមថា លោក ជីន ក៏បានអំពាវនាវដល់សមាជិកយោធាឱ្យបង្កើនសមត្ថភាពប្រយុទ្ធយ៉ាងច្រើនតាមរយៈការហ្វឹកហ្វឺនជាក់ស្តែង និងបង្កើនការអនុវត្តប្រតិបត្តិការ ដើម្បីទទួលបានទំនុកចិត្តពីសាធារណជន៕

ដោយ៖ មូល មិនា (ប្រភព៖ យ៉ុនហាប់)