AKP ព្រះសីហនុ ថ្ងៃទី២១ ខែសីហា ឆ្នាំ២០២៦--ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ អញ្ជើញដឹកនាំកិច្ចប្រជុំពិនិត្យ និងពិភាក្សាលើសំណើសុំការអនុញ្ញាតវិនិយោគលើ «គម្រោងកែច្នៃកាកសំណល់រឹង (សំរាម)» នៅទីលានចាក់សំរាមស្ថិតនៅភូមិអូរតាសេក សង្កាត់អូរឧកញ៉ាហេង ក្រុងកំពង់សោម ខេត្តព្រះសីហនុ ដោយមានការចូលរួមពីលោកអភិបាលរងខេត្ត នាយករដ្ឋបាលសាលាខេត្ត អភិបាលក្រុង ស្រុក ប្រធានមន្ទីរ អង្គភាព និងតំណាងក្រុមហ៊ុននៅព្រឹកថ្ងៃសុក្រ ទី២១ ខែសីហា ឆ្នាំ២០២៦។

តំណាងក្រុមហ៊ុន ដ្រាខូខេម ឌីវេឡុបម៉ិន ឯ.ក វិនិយោគលើគម្រោងកែច្នៃកាកសំណល់ (សំរាម) ថា តាមបច្ចេកវិទ្យាទំនើបដូចជា AI Smart Waste Sorting Lot, Smart Monitoring Digital Operation Waste-to Energy និង Carbon Reduction  ដើម្បីបំប្លែងសំរាមទៅជាធនធានមានតម្លៃកាត់បន្ថយការបំពុល និងជំរុញសេដ្ឋកិច្ចបៃតង ស្របតាមគោលនយោបាយរសជារដ្ឋាភិបាល។ ក្រុមហ៊ុនមានទុនវិនិយោគចំនួន ៥លានដុល្លារអាម៉េរិក ក្នុងការវិនិយោគលើគម្រោងកែច្នៃកាកសំណល់ (សំរាម) នៅទីលានចាក់សំរាម ភូមិអូរតាសេក សង្កាត់អូរឧក ញ៉ាហេង ក្រុងកំពង់សោម ខេត្តព្រះសីហនុ។ ក្រុម ហ៊ុនស្នើសុំអាជ្ញាបណ្ណវិនិយោគផ្តាច់មុខសម្រាប់រយៈពេល ៥០ឆ្នាំ រាប់បញ្ចូលទាំងសិទ្ធិទទួលការផ្គត់ផ្គង់សំណល់ផ្តាច់មុខ។ ស្នើសុំដីទំហំ ៥ហិកតា សម្រាប់រៈយពេល ៥០ឆ្នាំ។ សុំសិទ្ធិគ្រប់គ្រងទីលាន និង Tipping Feer អាជ្ញាបណ្ណវិនិយោគ «ដឹក និង ដុត» កាកសំណល់ឧស្សាហកម្ម ស្នើសុំអាជ្ញាបណ្ណវិនិយោគ «ដឹក និង ដុត» សំណល់ឧស្សាហកម្មរឹង និងរាវ សម្រាប់រយៈពេល ៥០ឆ្នាំ។

ឯកឧត្តម ម៉ាង ស៊ីណេត អភិបាលខេត្តព្រះសីហនុ បានឯកភាពលើសំណើរបស់ក្រុមហ៊ុន ក៏ប៉ុន្តែឱ្យក្រុមហ៊ុនត្រូវសិក្សាតម្លៃនៃប្រតិបត្តិការបន្ថែមទៀត ក្នុងការរៀបចំដំណើរការវិនិយោគកែច្នៃ សំណល់ សំរាម នៅខេត្តព្រះសីហនុ។ ទន្ទឹមនោះ ត្រូវសិក្សាពីផលប៉ះពាល់បរិស្ថានពេញលេញតំបន់តស់នៅជុំវិញដើម្បីធានាថា ការវិនិយោគគម្រោងកែច្នៃកាកសំណល់ (សំរាម) មិនមានផលប៉ះពាល់ទៅនឹងបរិស្ថាន និងត្រូវព្យាករណ៍នៃកំណើនសំរាមកើនឡើងនៅពេលថ្ងៃខាងមុខផងដែរ ៕

ដោយ ងូ សុមុនី