AKP កំពង់ធំ ថ្ងៃទី១៩ ខែសីហា ឆ្នាំ២០២៦--ខណៈចុះពិនិត្យមើលដំណើរការចម្អិន និងទទួលទានអាហារពេលព្រឹករបស់សិស្សានុសិស្ស នៅសាលាបឋមសិក្សាព្រែកជីក និងសាលាបឋមសិក្សាស្ពឺ ក្នុងឃុំម្សាក្រង ស្រុកស្ទោង ខេត្តកំពង់ធំកាលពីថ្ងៃទី១៨ ខែសីហា ឆ្នាំ២០២៦ លោក ព្រំ ឆដា អភិបាលរងស្រុកស្ទោង បានជំរុញឱ្យមានការអនុវត្តកម្មវិធីអាហារូបត្ថម្ភសម្រាប់សិស្សានុសិស្សប្រព្រឹត្តទៅដោយមានអនាម័យ សុវ ត្ថិភាព និងមានប្រ សិទ្ធភាព។

ក្នុងការចុះពិនិត្យនេះ លោកអភិបាល រងស្រុកនិងសហការី បានពិនិត្យមើលការរៀបចំម្ហូបអាហារ អនាម័យក្នុងការចម្អិននិងការរៀបចំទីកន្លែងសម្រាប់សិស្សទទួលទានអាហារ ព្រមទាំងសង្កេតមើលសកម្មភាពរបស់សិស្សក្នុងពេលទទួលទានអាហារពេលព្រឹក។ 

ការចុះពិនិត្យនេះមានគោលបំណងជំរុញឱ្យការអនុវត្តកម្មវិធីអាហារូបត្ថម្ភសម្រាប់សិស្សានុសិស្សប្រព្រឹត្តទៅដោយមានអនាម័យ សុវត្ថិភាព និងមានប្រ សិទ្ធភាព។

អាហារពេលព្រឹកមានសារៈសំខាន់ចំពោះសិស្សបឋមសិក្សា ព្រោះអាហារដែលមានជីវជាតិគ្រប់គ្រាន់អាចជួយដល់ការលូតលាស់ សុខភាព និងសមត្ថភាពក្នុងការផ្តោតអារម្មណ៍រៀនសូត្ររបស់កុមារ។ ដូច្នេះ ការរៀបចំអាហារដែលមានគុណភាព និងការរក្សាអនាម័យក្នុងការចម្អិន និងទទួលទាន គឺជាកត្តាសំខាន់មួយក្នុងការលើកកម្ពស់សុខុមាលភាពរបស់សិស្ស។

វិស័យអប់រំកម្រិតបឋមសិក្សា គឺជាមូល ដ្ឋានដ៏សំខាន់សម្រាប់ការអភិវឌ្ឍធន ធានមនុស្សរបស់កម្ពុជា ក៏ដូចជាការ អភិវឌ្ឍសីលធម៌ វិន័យ ទំនួលខុសត្រូវ ជំនាញសង្គម និងទម្លាប់ល្អៗរបស់កុមារ។

ការយកចិត្តទុកដាក់លើការរៀនសូត្រ សុខភាព អាហារូបត្ថម្ភ និងអនាម័យ របស់សិស្ស នឹងជួយបង្កើតបរិយាកាសអប់រំប្រកបដោយគុណភាព និងជាមូលដ្ឋានសម្រាប់ការអភិវឌ្ឍកុមារកម្ពុជាឱ្យមានចំណេះដឹង សុខភាពល្អ និងសមត្ថភាពសម្រាប់អនាគត៕

ដោយ៖ ស៊ុម វណ្ណា