AKP ខេត្តព្រះសីហនុ  ថ្ងៃទី១៣ សីហា ឆ្នាំ២០២៦---
លោកឧត្តមសេនីយ៍ត្រី នូវ សំអុល ប្រធានលេខាធិការដ្ឋានគណៈកម្មាធិការអតីតយុទ្ធជន និងនិវត្តជនកម្ពុជាខេត្តព្រះសីហនុ តំណាងឱ្យឯក ឧត្តម ម៉ាង ស៊ីណេត អភិបាល នៃគណៈអភិបា លខេត្តព្រះសីហនុ និងជាប្រធានគណៈក ម្មាធិការសមាគមអតីតយុទ្ធជន និងនិវត្តជនកម្ពុជាខេត្តព្រះសីហនុ បាន ដឹកនាំក្រុមការងារលេខាធិការដ្ឋាន និងអាជ្ញាធរមូលដ្ឋានចុះសួរសុខទុក្ខ និងនាំ យកអំណោយមនុស្សធម៌ របស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវ បណ្ឌិត ឧបត្ថម្ភជូនអតីត យុទ្ធជនមានជីវភាពខ្វះ ខាតចំនួន ៤គ្រួសារ នៅ ស្រុកកំពង់សីលា ។ ក្នុងនោះអតីតយុទ្ធជនទទួលបានផ្ទះ
-ចំនួន ២គ្រួសារ ទទួលអំណោយរបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត។
-ចំនួន ២គ្រួសារ ជាអំណោយរបស់ឯកឧត្តម សាយ សំអាល់ រដ្ឋមន្ត្រីក្រសួងរៀបចំដែនដីនគរូប នីយកម្ម និងសំណង់ ជាប្រធានក្រុមការងាររាជរដ្ឋាភិ បាលចុះមូលដ្ឋានខេត្តព្រះសីហនុ ។

 អតីតយុទ្ធជនទាំង ៤គ្រួសារ មានដូចជា
១.លោក ឃុត ប៊ុនថន រស់នៅភូមិស្ទឹងច្រាល ឃុំអូរបាក់រទេះ ស្រុកកំពង់សិលា។
២.លោក ហ៊ សុខហេង រស់នៅភូមិស្ទឹងច្រាល ឃុំអូរបាក់រទេះ ស្រុកកំពង់សិលា។
៣.លោក ឈុន លៀង រស់នៅភូមិព្រែកប្រសិទ្ធ ឃុំអូរបាក់រទេះ ស្រុកកំពង់សិលា។
៤.លោក ទុយ យឿង រស់នៅភូមិថ្មី ឃុំកំពង់សិលា ស្រុកកំពង់សិលា។

  ក្នុងឱកាសនោះ លោក ឧត្តមសេនីយ៍ត្រី នូវ សំអុល ប្រធានលេខាធិការដ្ឋានគណៈកម្មាធិការអតីតយុទ្ធជន និងនិវត្តជនកម្ពុជា ខេត្តព្រះសីហនុ បានពាំនាំសាកសួរសុខទុក្ខ និងសេចក្តីនឹករលឹកពីសម្តេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា និងសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ជូនចំពោះអតីត យុទ្ធជនទាំង ៤គ្រួសារ ដែលមានជីវភាពខ្វះខាតជីវភាពនៅក្នុងស្រុកកំពង់សិលា ព្រមទាំងសូមជូនពរដល់អតីតយុទ្ធជនទាំងអស់សូមឪ្យមានសុខភាព ល្អ ប្រកបរបទទួលទានកាន់តែធូធារ បន្ថែមទៀត ព្រោះសម្តេចតេជោ សែន មិនដែលភ្លេចអតីតយុទ្ធជន របស់យើងនោះទេ ដែល បានលះបង់កម្លាំងកាយចិត្ត បូជាសាច់ស្រស់ ឈាម ស្រស់ក្នុងបុព្វហេតុការពារជាតិ មាតុភូមិធ្វើឱ្យកម្ពុជា ទទួលបាននូវសុខសន្តិភាព ស្ថេរភាពនយោបាយពេញផ្ទៃប្រទេស ជាពិសេសធ្វើឱ្យប្រទេសជាតិមានការអភិវឌ្ឍរីកចម្រើនរហូតសព្វថ្ងៃនេះ ។

  អំណោយមនុស្សធម៌របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោក ជំទាវបណ្ឌិត ឧបត្ថម្ភជូនអតីត យុទ្ធជនទាំង ៤គ្រួសារ ក្នុង ១គ្រួសារៗទទួលបានអង្ករ ៥០គីឡូក្រាម ត្រីងៀត ៤គីឡូក្រាម
ទឹកត្រី ១យួរ ទឹកសុទ្ធ ១កេស មី ១កេស។  ដោយឡែក លោក ឆាយ សុគន្ធដា អភិបាលស្រុកកំពង់សិលា ក៏បានឧបត្ថម្ភថវិកាក្នុង ១គ្រួសារៗ ចំនួន ១០០,០០០រៀលផងដែរ ៕
ដោយ៖ ងូ សុមុនី