AKP កំពង់ឆ្នាំង ថ្ងៃទី១០ ខែសីហា ឆ្នា២០២៦-- ឯកឧត្តម ប៊ូ ជុំសិរី អនុរដ្ឋលេខាអិការក្រសួងអប់រំយុវជននិងកីឡា បានផ្ដាំផ្ញើដល់ក្មួយៗសិស្សានុសិស្សឱ្យបន្ដគោរពបទប្បញ្ញត្តិនៃការប្រឡងឱ្យបានល្អខ្ជាប់ខ្ជួនសម្រាប់ការប្រឡង
ស្ថិត នៅសាលាបឋមសិក្សាគំរូក្រុង នាព្រឹកថ្ងៃទី១០ ខែសីហា ឆ្នាំ២០២៦ ពិធីនេះដោយមានការអញ្ជើញចូលរួមពីឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង ប្រធានមន្ទីរអប់រំខេត្ត លោកគ្រូ អ្នកគ្រូ និងមន្ត្រីអមដំណើរជាច្រើននាក់ផងដែរ។ 

ក្នុងឱកាសនោះឯកឧត្តម ប៊ូ ជុំសិរី បានកោតសរសើរចំពោះបេក្ខជនប្រឡងទុតិយភូមិទាំងអស់ នៅខេត្តកំពង់ឆ្នាំងដែលនៅតែរក្សាបាននូវស្មារតីនឹងនរ និងរបៀបរៀបរយល្អក្នុងពេលប្រឡងសញ្ញាបត្រមធ្យមសិក្សាទុតិយភូមិ។ ការបង្ហាញហឹបវិញ្ញាសារ ជូនដល់បេក្ខជនប្រឡង ពិនិត្យភាពបិទជិត មានបិទស្កុត និងត្រាស្រោមប្រធានវិញ្ញាសា នៅចំពោះមុខបេក្ខជន ដើម្បីធានាបានថា ការប្រឡងប្រព្រឹត្តទៅដោយគោរពតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន។

ទន្ទឹមនឹងនេះឯកឧត្តមបានបន្តទៀតថា ដោយមានការសហការពីគណៈមេប្រយោគ និងគណៈកម្មការ ដែលបានបំពេញភារកិច្ចប្រកបដោយស្មារតីទទួលខុសត្រូវខ្ពស់។ សិស្សានុសិស្សទាំងអស់ដែលបានខិតខំប្រឹងប្រែងរៀនសូត្រនឹងទទួលបានជោគជ័យនៅក្នុងការប្រឡង។ ប៉ុន្តែក្រសួងមិនលើកទឹកចិត្តឱ្យសិស្សតវ៉ានោះទេ ដោយសារតែក្រសួងបានរៀបចំដំណើរការប្រឡងបានល្អប្រសើរហើយ ទាំងការរៀបចំវិញ្ញាសា កំណែ និងបច្ចេកទេសផ្សេងៗជាដើម ដែលធានាបាននូវតម្លាភាព និងសុក្រឹតភាព។

ឯកឧត្តមឯកឧត្តម ប៊ូ ជុំសិរី បានបញ្ជាក់ទៀតថា ការប្រឡងនៅថ្ងៃនេះនេះក្មួយៗ បេក្ខជនប្រឡងទាំងអស់ ខិតខំយកចិត្តទុកដាក់ពង្រឹងស្មារតី យកអស់កម្លាំងកាយចិត្តបញ្ចេញបញ្ញាវៀងវៃ ដើម្បីដណ្ដើមយកជោគជ័យឱ្យទល់តែបាន។

សូមបញ្ជាក់ផងដែរយោងតាមរបាយការរបស់លោក ស៊ឹម ប្រិម ប្រធានមន្ទីរអប់រំយុវជននិងកីឡាខេត្តកំពង់ឆ្នាំងបានអោយដឹងថាៈ ខេត្តកំពង់ឆ្នាំងមានមណ្ឌលប្រឡងចំនួន៨មណ្ឌល ស្មើនិង២០៣បន្ទប់ បេក្ខជនប្រឡងមានចំនួនសរុប ៥០៥៣នាក់ ក្នុងនោះស្រី ២៩៧០នាក់៕
ដោយ៖ បៃ ស៊ីថុន