AKP ភ្នំពេញ ថ្ងៃទី១០ ខែសីហា ឆ្នាំ២០២៦ -- ការស្ទង់មតិរបស់ Forsa ដែលបានចេញផ្សាយកាលពីពេលថ្មីៗនេះ បានរកឃើញថា ប្រមាណជិត ៥០% នៃប្រជាជនអាល្លឺម៉ង់មើលឃើញថា អតីតអធិការបតី លោក អេនជែលឡា មើគែល ជាបុគ្គលដ៏ល្អបំផុតដើម្បីបំពេញតួនាទីជាប្រធានាធិបតីសហព័ន្ធ។

លោកស្រី មើគែល បានច្រានចោលពាក្យចចាមអារ៉ាមថា លោកស្រីមានគម្រោងឈរឈ្មោះសម្រាប់តំណែងនេះនៅក្នុងការបោះឆ្នោត ដែលគ្រោងធ្វើឡើងនៅថ្ងៃទី៣០ ខែមករា ឆ្នាំ២០២៧។

៤៧% នៃអ្នកដែលត្រូវបានស្ទង់មតិបានគិតថា លោកស្រី មើគែល អាចក្លាយជាប្រធានាធិបតីដ៏ល្អម្នាក់ ខណៈដែល ៤៨% មិនគិតដូចគ្នានេះទេ។ លោកស្រីត្រូវបានតាមពីក្រោយដោយប្រធានសភា លោក បាវ៉ារៀន លោកស្រី អ៊ីលសេ អ៊ែកណឺរ ដែលត្រូវបានគាំទ្រដោយអ្នកសារព័ត៌មាន ២៦% និងប្រឆាំងដោយ ៣៨% និងពិធីករទូរទស្សន៍ លោក គែនធើរ ជោច ដែលមានសំឡេង ២៥% និង ៦៨% រៀងៗខ្លួន។

៧៤% នៃអ្នកឆ្លើយតបមិនខ្វល់ថា ប្រធានាធិបតីបន្ទាប់ជាបុរសឬស្ត្រីទេ ខណៈដែល ០៥% ចង់បានបេក្ខជនបុរស និង ១៩% គាំទ្រស្ត្រី។ រហូតមកដល់ពេលនេះ មានតែបុរសទេដែលបានកាន់កាប់តំណែងនេះនៅក្នុងប្រទេសអាល្លឺម៉ង់។

ខណៈដែល ៤៦% នៃអ្នកដែលត្រូវបានស្ទង់មតិចង់ឱ្យប្រធានាធិបតីបន្ទាប់ជាអ្នកដែលមានបទពិសោធន៍ក្នុងនយោបាយសកម្ម មាន ៣១% ទៀតចង់ឱ្យបេក្ខជនមកពីខាងក្រៅរង្វង់នយោបាយ ហើយ ២០% ដែលនៅសល់ គឺមិនខ្វល់នឹងបញ្ហានេះទេ។

ការស្ទង់មតិនេះត្រូវបានធ្វើឡើងចាប់ពីថ្ងៃទី០៥-០៦ ខែសីហា ក្នុងចំណោមជនជាតិអាល្លឺម៉ង់ចំនួន ១.០០០នាក់ ដោយមានរឹមនៃកំហុស ៣%។

លោក ហ្រ្វេង-វ៉លធើរ ស្ទែនមើញែរ បានបម្រើការជាប្រធានាធិបតីអាល្លឺម៉ង់ចាប់តាំងពីឆ្នាំ២០១៧។ ប្រធានាធិបតីត្រូវបានជ្រើសរើសដោយសន្និបាតសហព័ន្ធ ដែលជាស្ថាប័នមួយដែលត្រូវបានរៀបចំឡើងជាពិសេសសម្រាប់គោលបំណងនេះ ដែលមានសមាជិកសភា និងតំណាងនៃរដ្ឋសហព័ន្ធ។ អាណត្តិនៃតំណែងនេះ គឺប្រាំឆ្នាំ ហើយការបោះឆ្នោតឡើងវិញត្រូវបានអនុញ្ញាតតែម្តងប៉ុណ្ណោះ៕

ដោយ៖ យា ចិន្ដាខន្ដី (ប្រភព៖ ស្ពុតនីក)