AKP ភ្នំពេញ ថ្ងៃទី១០ ខែសីហា ឆ្នាំ២០២៦-- ឯកឧត្ដម ហ៊ុន ម៉ានី បានជូនពរឱ្យបេក្ខ ជន បេក្ខនារីទាំងអស់ត្រូវមានស្មារ តីរឹងមាំប្រកបដោយទំនុកចិត្ត និងទទួលបានជោគជ័យក្នុងការប្រឡង ព្រមទាំងសម្រេចបាននិទ្ទេសល្អប្រសើរគ្រប់ៗ គ្នា ។
    ឯកឧត្ដមបានបញ្ជាក់បែបនេះ នៅក្នុង ពិធីបើកវិញ្ញាសាប្រឡងសញ្ញាបត្រ មធ្យមសិក្សាទុតិយភូមិ សម័យប្រឡង ១០-១១ ខែសីហា ឆ្នាំ២០២៦ ក្រោមអធិបតីភាព ឯកឧត្ដមបណ្ឌិតសភាចារ្យ ហង់ ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.)  នៅមណ្ឌលវិទ្យាល័យព្រះស៊ីសុវត្ថិ នាព្រឹកថ្ងៃទី១០ ខែសីហា ឆ្នាំ២០២៦។

អញ្ជើញមានវត្តមាននាឱកាសនោះរួមមាន ឯកឧត្ដម លោកជំទាវ តំណាងស្ថាប័នពាក់ព័ន្ធ រួមមានអង្គភាពប្រឆាំងអំពើពុករលួយ និងរដ្ឋបាលរាជធានីភ្នំពេញ។    

សូមបញ្ជាក់ថា អង្គភាព សភាពសហពន្ធ័យុវជនកម្ពុជា តែងតែចូលរួមគាំទ្រវិស័យអប់រំនៅកម្ពុជា ជាពិសេសកំណែទម្រង់ចាប់តាំងពីឆ្នាំ២០១៤ តាមរយៈការចូលរួមជាមួយក្រសួងអប់រំ យុវជន និងកីឡា និងមន្ទីរអប់រំ រាជធានី-ខេត្ត ដើម្បីរៀបចំវគ្គបំប៉នជូនសិស្សានុសិស្សដែលត្រៀម ប្រឡងសញ្ញាបត្រមធ្យមសិក្សាទុតិយភូមិ។

   អង្គភាពសហភាព សហពន្ធ័យុវជនកម្ពុជា បានចូលរួមសង្កេតការណ៍ដំណើរការប្រឡង និងជួយសម្របសម្រួលដល់បេក្ខជនប្រឡង ដូចជា ផ្តល់ទីកន្លែងស្នាក់នៅ ផ្ញើកង់ ម៉ូតូ ចែកទឹក ដើម្បីផ្តល់ជាកម្លាំងចិត្តដល់ប្អូនៗដែលត្រូវប្រឡង។

ក្នុងនាមក្រុមគ្រួសារស.ស.យ.ក.ឯក ឧត្ដម ហ៊ុន ម៉ានី សូមជូនពរប្អូនៗបេក្ខជន បេក្ខនារីទាំងអស់ ឱ្យមានស្មារតីរឹងមាំ ប្រកបដោយទំនុកចិត្ត និងទទួលបានជោគជ័យ ក្នុងការប្រឡង ព្រមទាំងសម្រេចឱ្យបាននិទ្ទេសល្អប្រសើរគ្រប់ៗគ្នា សម្រាប់ឆ្នាំ២០២៦នេះ ៕

ដោយ៖ សួស សំរិត