AKP បន្ទាយមានជ័យថ្ងៃទី៧ ខែសីហាឆ្នាំ២០២៦--ការកាត់បន្ថយអត្រាមរណភាពមាតានិងទារក មិនមែនគ្រាន់តែជាសូចនាករផ្នែកសុខាភិបាលមួយមុខនោះទេ តែវាជាការវិនិយោគលើ «មូលធនមនុស្ស» ដ៏មាន តម្លៃបំផុតសម្រាប់អនាគត និងសមត្ថ ភាពប្រកួតប្រជែងរបស់ប្រទេសជាតិទាំងមូល។ នេះជាប្រសាសន៍គូសរំលេចយ៉ាងស៊ីជម្រៅរបស់ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខា ភិបាល ក្នុងពិធីសម្ពោធដាក់ឱ្យប្រើប្រាស់ជាផ្លូវការនូវ «អគារសម្ភព» នៃមន្ទីរពេទ្យបង្អែកព្រះនេត្រព្រះ ខេត្តបន្ទាយមាន ជ័យ កាលពីរសៀលថ្ងៃទី៦ ខែសីហា ឆ្នាំ២០២៦នេះ។

 ពិធីដ៏អធិកអធមនេះ ត្រូវបានរៀបចំឡើ ងក្រោមអធិបតីភាពដ៏ខ្ពង់ខ្ពស់របស់ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និង ឯកឧត្តម Kim Chang Yong ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋកូរ៉េ ប្រចាំព្រះរាជាណាចក្រកម្ពុជា។

នៅក្នុងឱកាសនោះ ឯកឧត្តមសាស្ត្រាចារ្យរដ្ឋមន្ត្រី បានលើកឡើងពីទស្សនវិ ស័យវែងឆ្ងាយថា«ការវិនិយោគលើសុខភាពមាតា និងទារក មិនមែនគ្រាន់តែជាការវិនិយោគលើវិស័យសុខាភិបាលប៉ុណ្ណោះទេ ថែមទាំងជាការវិនិយោគលើមូលធនមនុស្ស លើអនាគតរបស់កុមារ និងសមត្ថភាពប្រកួតប្រជែងរបស់ប្រទេសជាតិ។ នៅពេលទារកម្នាក់កើតមកដោយសុវត្ថិភាព មិនមែនត្រឹមតែគ្រួសារមួយទទួលបានសេចក្តីសុខប៉ុណ្ណោះទេ ប្រទេ សជាតិទាំងមូលក៏ទទួលបានអនាគតមួយដ៏ប្រសើរផងដែរ»។

ឯកឧត្តមសាស្ត្រាចារ្យ បានបន្ថែមថា ក្នុងបរិបទនៃការអភិវឌ្ឍសុខាភិបាលសកល មាតាដែលមានសុខភាពល្អ នឹងមាន លទ្ធភាពចិញ្ចឹមបីបាច់ថែរក្សាកូនបានល្អ រីឯទារកដែលកើតមកដោយសុវត្ថិភាព នឹងមានឱកាសពេញលេញក្នុងការលូ តលាស់ និងអភិវឌ្ឍសក្តានុពលខ្លួនឯងទៅថ្ងៃអនាគត។ ដោយសារហេតុនេះហើយ ទើបរាជរដ្ឋាភិបាល និងក្រសួងសុខាភិបាល តែងតែផ្តល់អាទិភា ពខ្ពស់បំផុតលើការពង្រឹងសេវាសង្គ្រោះបន្ទាន់ផ្នែកសម្ភព និងទារក ដោយមិនត្រឹមតែបង្កើន បរិមាណ នោះទេ ប៉ុន្តែផ្តោតខ្លាំងលើ គុណភាព សុវត្ថិភាព សេចក្តីថ្លៃថ្នូរ និងស្តង់ដារវិជ្ជាជីវៈខ្ពស់។

សមិទ្ធផលអគារសម្ភពថ្មីនេះ គឺជាផ្លែផ្កាកកើតចេញពីជំនួយឧបត្ថម្ភរបស់រដ្ឋាភិបាល និងប្រជាជនសាធារណរដ្ឋកូរ៉េ តាមរយៈ មូលធនកូរ៉េសម្រាប់ការថែទាំសុខភាពអន្តរជាតិ (KOFIH) និង KOICA ដែលជាដៃគូអភិវឌ្ឍន៍យុទ្ធសាស្ត្រដ៏សំខាន់ក្នុងការលើកកម្ពស់ប្រព័ន្ធសុខាភិបាលនៅកម្ពុជា។    

ឯកឧត្តមរដ្ឋមន្ត្រី បានសម្តែងនូវអំណ រគុណយ៉ាងជ្រាលជ្រៅជូនចំពោះភាគីកូរ៉េ ព្រមទាំងបានកោតសរសើរចំពោះការខិតខំប្រឹងប្រែងដោយបុរេសកម្ម និងការទទួលខុសត្រូវខ្ពស់របស់រដ្ឋបាលខេត្តបន្ទាយមានជ័យ មន្ទីរសុខាភិបាលខេត្ត និងអាជ្ញាធរមូលដ្ឋានពាក់ព័ន្ធទាំងអស់ ដែលបានរួមគ្នាយ៉ាងសកម្មដើម្បីឆ្លើយ តបនឹងតម្រូវការរបស់ប្រជាពលរដ្ឋ។

អគារសម្ភព និងរោគស្ត្រីថ្មីនេះ មានអត្ថន័យលើសពីការបញ្ចប់គម្រោងសំណង់ស៊ីវិល តែវាគឺជា ទ្រព្យសម្បត្តិដ៏មានតម្លៃ ក្នុងការបង្កើតប្រព័ន្ធសុខាភិ បាលមួយដែលមាន គុណភាព ប្រសិទ្ធភាព សុវត្ថិភាព សមធម៌ និងភាពធន់ សម្រាប់ប្រជាពលរដ្ឋក្នុងខេត្តបន្ទាយមានជ័យ និងតំបន់ជាប់ព្រំដែន។

អគារសម្ភព និងរោគស្ត្រីនេះមាន  ទំហំ ១៥x៥០ ម៉ែត្រ (កម្ពស់ ១ជាន់ ដំបូលក្បឿង)ថវិកាសាងសង់ ប្រមាណ ៣៩៨,៣៩៥.៩៨ ដុល្លារអាមេរិក (ជំនួយពី KOFIH ដោយមិនទាន់រាប់បញ្ចូលសម្ភារបរិក្ខារពេទ្យ)ហេដ្ឋារចនាសម្ព័ន្ធ មាន ២៨ បន្ទប់, បន្ទប់ទឹក ១២ (រួមទាំងបន្ទប់ទឹកសម្រាប់ជនពិការ ២)សេវាសំខាន់ៗ ដែ លនឹងផ្តល់ជូនការសម្រាលកូនធម្មជាតិ ការបូម និងការវះកាត់ការថែទាំ និងព្យាបាលទារកកម្រិតបឋមការស្រាវជ្រាវជំងឺម ហារីកមាត់ស្បូនការព្យាបាលជំងឺរោ គស្ត្រី សេវាចាក់វ៉ាក់សាំង និងសេវាពន្យារកំណើត សេវាអេកូសាស្ត្រ និងការពិនិត្យផ្ទៃពោះមុន-ក្រោយសម្រាល។

សមិទ្ធផលនេះ នឹងក្លាយជាគ្រឹះយ៉ាងរឹងមាំក្នុងការបង្កើនទំនុកចិត្ត និងលទ្ធភាពទទួលបានសេវាសុខាភិបាលប្រកបដោយសុវត្ថិភាពខ្ពស់ ជូនដល់ស្ត្រី និងទារកនៅតំបន់ដាច់ស្រយាលឱ្យកាន់តែមានភាពងាយស្រួល និងទាន់ពេលវេលា៕

ដោយ ៖ឈុនសារ៉ាត