AKP ថ្ងៃទី៥ ខែសីហា ឆ្នាំ២០២៦ --

គណៈកម្មាធិការអចិន្ត្រៃយ៍រដ្ឋសភា ក្នុងកិច្ចប្រជុំក្រោមអធិបតីភាពដ៏ខ្ពង់ខ្ពស់ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នាព្រឹកថ្ងៃពុធ ទី៥ ខែសីហា ឆ្នាំ២០២៦ នេះ បានសម្រេចប្រគល់សេចក្តីព្រាងច្បាប់ស្តីពី វិសោធនកម្មច្បាប់ស្តីពីការគ្រប់គ្រងរដ្ឋបាលឃុំ សង្កាត់ ជូនទៅគណៈកម្មការជំនាញ ដើម្បីពិនិត្យ និងសិក្សាស្រាវជ្រាវឱ្យបានល្អិតល្អន់ មុននឹងដាក់ជូនសម័យប្រជុំរដ្ឋសភាពេញអង្គពិភាក្សា និងអនុម័ត។

ជាលទ្ធផលនៃកិច្ចប្រជុំគណៈកម្មាធិការអចិន្ត្រៃយ៍រដ្ឋសភា បានប្រគល់ភារកិច្ចជូន គណៈកម្មការមហាផ្ទៃ ការពារជាតិ មុខងារសាធារណៈ និងកិច្ចការព្រំដែននៃរដ្ឋសភា ធ្វើការពិនិត្យ និងសិក្សាលើ សេចក្តីព្រាងច្បាប់នេះ ដោយសហការជាមួយគណៈកម្មការនីតិកម្ម និងយុត្តិធម៌ នៃរដ្ឋសភា រួចធ្វើរបាយការណ៍លទ្ធផលរាយការណ៍ជូនសម័យប្រជុំរដ្ឋសភាជាបន្តទៀត៕

ដោយ៖ ប៊ុនរិទ្ធ