EN 
FR 
AR
CNវិទ្យាស្ថាន PIPV នៅខេត្តព្រៃវែង ផ្តល់អាហារូបករណ៍ជិត ១ពាន់កន្លែងលើជំនាញចំនួន១០ ដល់យុវជនដែលមកពីគ្រួសារក្រីក្រ និងងាយរងហា និភ័យ
AKP ភ្នំពេញ ថ្ងៃទី៥ ខែសីហា ឆ្នាំ២០២៦---
វិទ្យាស្ថានពហុបច្ចេកទេសខេត្តព្រៃវែ ង(PIPV) នៃក្រសួងការងារ និងបណ្ដុះ បណ្ដាលវិជ្ជាជីវៈ បានផ្ដល់ឱកាសអាហារូបករណ៍សរុប ១ ៣០០កន្លែងលើមុខជំនាញចំនួន ១០ ជាមួយនិងប្រាក់ឧបត្ថម្ភបន្ថែមជារៀងរាល់ខែសម្រាប់យុវជនដែលមកពីគ្រួសារក្រីក្រ និងងាយរងហានិភ័យ ពីរាជរដ្ឋាភិបាល។
បើតាមវិទ្យាស្ថាន PIPV បានឱ្យដឹងថា ជំនាញទាំង១០ នោះរួមមាន ការងារកំបោរ, ការដំឡើងបណ្តាញអគ្គិសនីក្នុងអគារ, ការផ្សារអគ្គិសនី, សេវាកម្មសម្អាងកាយ, សេវាកម្មបរិក្ខារត្រជាក់ក្នុងគេហដ្ឋាន, ការថែទាំ និងជួសជុលរថយន្ត, ធុរកិច្ចភេសជ្ជៈ, ការកែច្នៃបន្លែ និងផ្លែឈើ, សេវាកម្មកាត់សក់បុរស និងការធ្វើម្ហូបខ្មែរ ។
វិទ្យាស្ថានក៏បានបញ្ជាក់ផងដែរថា គិតចាប់ពីខែវិច្ឆិកា ឆ្នាំ២០២៣ មកត្រឹមថ្ងៃទី២០ ខែកក្កដា ឆ្នាំ២០២៦ នេះមានយុវជនមកពីគ្រួសារក្រីក្រ និងពលរដ្ឋទូទៅសរុប ៥ ៩១៨នាក់ ដែលទទួលបានអាហារូបករណ៍លើ ១០មុខជំនាញ ក្នុងកម្មវិធីបណ្តុះបណ្តាលជំនាញ ១,៥លាននាក់របស់សម្ដេចធិបតី ក្នុងនោះមានយុវជនដែលមកពីគ្រួសារក្រីក្រ និងងាយរងហានិភ័យចំនួន ៤ ៨៤៩នាក់។
បន្ថែមពីលើនេះវិទ្យាសា្ថនគ្រោងនឹងបើកវគ្គសិក្សាថ្មី នឹងចាប់ផ្តើមចុះឈ្មោះចូលរៀនចាប់ពីថ្ងៃជូនដំណឹងនេះតទៅ ដើម្បីទទួលបានអាហារូបករណ៍សិក្ខាកាមអាចទាក់ទងសាកសួរព័ត៌មានបន្ថែមតាមរយៈទូរសព្ទលេខ ០១២ ៧៧២ ០៣៧/ ០៨៨ ៥៦០០ ៦០៦/ ០៩៣ ៤១៦ ៣៤៣ ឬអញ្ជើញមកទីតាំងរបស់វិទ្យាស្ថាន PIPV ដែលស្ថិតនៅខាងត្បូង មន្ទីរអប់រំយុវជន និងកីឡាខេត្ត “អតីតសាលាបំពេញវិជ្ជារៀបរយខេត្ត” រៀងរាល់ម៉ោងធ្វើការ៕
ដោយ៖ ប៊ុនរិទ្ធ , ប្រភព៖ ក្រសួងការងារ
