AKP ភ្នំពេញ ថ្ងៃទី៥ ខែសីហា ឆ្នាំ២០២៦ -- ដោយមានការគាំទ្រពីមូលនិធិពិសេសនៃកិច្ចសហប្រតិបត្តិការឡានឆាង-មេគង្គ ទូកសន្តិភាពឡានឆាង-មេគង្គ បានចេញដំណើរម្តងទៀត ដោយផ្តល់នូវវេទិកាដ៏មានប្រយោជន៍ និងឱកាសដ៏មានតម្លៃសម្រាប់ការសន្ទនា និងការផ្លាស់ប្តូរក្នុងចំណោមយុវជននៃប្រទេសទាំងប្រាំមួយ។ នេះជាការលើកឡើងនៅក្នុងសុន្ទរកថារបស់ឯកឧត្តម វ៉ាង វិនពីង ឯកអគ្គរដ្ឋទូតចិនប្រចាំកម្ពុជា ក្នុងពិធីសម្ភោធគម្រោង «ទូកសន្តិភាពមេគង្គ-ឡានឆាង» នាព្រឹកថ្ងៃទី០៥ ខែសីហា ឆ្នាំ២០២៦ នេះ។
 

ឯកឧត្តមឯកអគ្គរដ្ឋទូតចិនបានបញ្ជាក់ថា ក្រោមការដឹកនាំរបស់ប្រធានាធិបតីចិន ឯកឧត្តម ស៊ី ជីនពីង និងមេដឹកនាំដទៃទៀតនៃបណ្តាប្រទេសមេគង្គ-ឡានឆាង ទាំងប្រាំមួយ សម្រេចបាននូវការគ្របដណ្តប់ពេញលេញនៃការកសាងសហគមន៍វាសនាទ្វេភាគី ដោយកំណត់យ៉ាងច្បាស់នូវគោលដៅរួមនៃការកសាងសហគមន៍ឡានឆាង-មេគង្គជាមួយនឹងអនាគតរួម។ ឯកឧត្តមបានបន្ថែមថា ឆ្នាំនេះ គឺជាខួបលើកទីដប់នៃកិច្ចប្រជុំថ្នាក់ដឹកនាំសហប្រតិបត្តិការឡានឆាង-មេគង្គលើកដំបូង ដោយដាក់កិច្ចសហប្រតិបត្តិការឡានឆាង-មេគង្គនៅចំណុចចាប់ផ្តើមថ្មីមួយ ដែលផ្តល់ឱ្យគម្រោង "ទូកសន្តិភាពឡានឆាង-មេគង្គ" នូវសារៈសំខាន់ពិសេស។

 ឯកឧត្តម វ៉ាង វិនពីង បានមានប្រសាសន៍ថា «ក្នុងនាមស្ថានទូតចិនប្រចាំនៅកម្ពុជា ខ្ញុំសូមថ្លែងអំណរគុណយ៉ាងជ្រាលជ្រៅចំពោះគ្រប់ក្រសួងទាំងអស់របស់កម្ពុជា ជាពិសេសវិទ្យាស្ថានចក្ខុវិស័យអាស៊ី ចំពោះការរៀបចំយ៉ាងយកចិត្តទុកដាក់របស់ពួកគេ និងសូមស្វាគមន៍យ៉ាងកក់ក្តៅចំពោះមិត្តវ័យក្មេងដែលចូលរួមក្នុងគម្រោងនេះ! ប្រទេសឡានឆាង-មេគង្គចែករំលែកទន្លេតែមួយ ហើយត្រូវបានចងភ្ជាប់ដោយវាសនារួម»៕  
ដោយ៖ យា ចិន្តាខន្តី