AKP ភ្នំពេញ ថ្ងៃទី០៥ ខែសីហា ឆ្នាំ២០២៦ -- ក្រុមប្រឹក្សាសន្តិភាព បានអំពាវនាវឱ្យទាំងអ៊ីស្រាអែល និងក្រុមហាម៉ាស់គោរពកាតព្វកិច្ចរបស់ពួកគេក្រោមក្របខ័ណ្ឌបទនៃឈប់បាញ់ហ្គាហ្សា ដែលបានព្រមព្រៀងគ្នា។សេចក្តីថ្លែងការណ៍នេះបានធ្វើឡើងបន្ទាប់ពីកិច្ចប្រជុំប្រកបដោយការស្ថាបនារវាងអ្នកតំណាងនាំមុខរបស់ក្រុមប្រឹក្សា គឺលោក នីកូឡាយ អេមឡាដេណូវ និងនាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ ដែលមានគោលបំណងសម្របសម្រួលការរំសាយអាវុធទាំងស្រុងនៅក្នុងតំបន់ និងសម្រួលដល់ការផ្លាស់ប្តូរឆ្ពោះទៅរកការគ្រប់គ្រងស៊ីវិល។

ដោយបញ្ជាក់ពីរបាយការណ៍ថ្មីៗ ក្រុមប្រឹក្សាបានបញ្ជាក់ថា ការដកទ័ពអ៊ីស្រាអែលចេញពី «ខ្សែលឿង» ទាំងស្រុង នឹងកើតឡើងលុះត្រាតែការរំសាយត្រូវបានបញ្ចប់។ ពីមុន ក្រុមហាម៉ាស់បានយល់ព្រមថា កាតព្វកិច្ចនេះគ្របដណ្តប់លើអាវុធស្រាល អាវុធធ្ងន់ និងបណ្តាញផ្លូវរូងក្រោមដីដោយមានការត្រួតពិនិត្យដែលផ្តល់ដោយកម្លាំងស្ថេរភាពអន្តរជាតិ និងគណៈកម្មាធិការផ្ទៀងផ្ទាត់ការអនុវត្ត។

ការធ្វើបច្ចុប្បន្នភាពនេះ ធ្វើឡើងបន្ទាប់ពីការចេញផ្សាយសេចក្តីព្រាងកិច្ចព្រមព្រៀង ដែលរៀបរាប់លម្អិតអំពីការរៀបចំសន្តិសុខ រដ្ឋបាល និងនយោបាយសម្រាប់ដំណាក់កាលបន្ទាប់នៃផែនការហ្គាហ្សារបស់ប្រធានាធិបតីសហរដ្ឋអាមេរិក លោក ដូណាល់ ត្រាំ។ ក្រុមប្រឹក្សាបានបញ្ជាក់សារជាថ្មីថា ស្ថិរភាពតំបន់រយៈពេលវែងអាស្រ័យទាំងស្រុងលើភាគីទាំងពីរដែលប្រកាន់ខ្ជាប់នូវក្របខ័ណ្ឌដែលបានចរចា៕

ដោយ៖ យា ចិន្ដាខន្ដី (ប្រភព៖ AA-AKP)