AKPកំពង់ឆ្នាំង ថ្ងៃទី៣០ ខែកក្កដា ឆ្នាំ២០២៦--លោក ម៉ឹង វុធី អភិបាលរងខេត្តកំពង់ឆ្នាំង បានដឹកនាំកិច្ចប្រជុំពិនិត្យការរៀបចំផែនការលើកកម្ពស់វិស័យអប់រំនិងសុខាភិបាល កាលពីថ្ងៃទី ២៩ ខែកក្កដា ឆ្នាំ២០២៦ នៅសាល់ប្រជុំសាលាខេត្តកំពង់ឆ្នាំង ដោយមានការអញ្ជើញចូលរួមពីលោកលោក ស្រី នាយករងរដ្ឋបាលសាលាខេត្ត អាជ្ញាធរក្រុង ស្រុក និងមន្ទីរពាក់ព័ន្ធជាច្រើននាក់ផងដែរ ។

ក្នុងឱកាសនោះលោក ម៉ឹង វុធី បានមានប្រសាសន៍ថា កិច្ចប្រជុំក្នុងកម្មវិធីថ្មីនេះ​គឺសំដៅលើការកាត់បន្ថយ​ភាពក្រីក្រ​តាម​រយៈ​ការ​ជំរុញ​​ការវិនិយោគលើវិស័យសុខាភិបាលនិងការអប់រំ ជួយបង្កើតការងារ និងការការពារជីវភាព​រស់នៅរបស់​ក្រុម​គ្រួសារ​ដែល​​ងាយរងគ្រោះ រួមទាំងការពង្រឹងភាពធន់ទៅនឹងបម្រែបម្រួលអាកាសធាតុ។ គុណភាព អប់រំ សោភ័ណ្ឌភាព អនាម័យ សុខុមាភាពកុមារតូច និងសេវាកម្មសុខាភិបាល ។

ទន្តឹមនឹងនេះលោកបានបន្តទៀតថា ការលើកកម្ពស់សុខភាព និងការអភិវឌ្ឍយុវជនគឺជាកត្តាដ៏សំខាន់មិនអាចខ្វះបានក្នុងការចូលរួមចំណែកដល់ការធា នាបាននូវការអភិវឌ្ឍធនធានមនុស្ស ហើយបន្ទប់សុខភាពនៅតាមគ្រឹះស្ថា នសិក្សាមានសារៈសំខាន់យ៉ាងខ្លាំងសម្រាប់អ្នកសិក្សា និងបុគ្គលិកអប់រំមកទទួលសេវាថែទាំសុខភាពបឋម។ នៅតាមគ្រឹះស្ថានសិក្សាក៏ជាកន្លែងផ្តល់ប្រឹក្សាសុខភាពផ្លូវកាយ ផ្លូវចិត្ត សុខភាពបន្តពូជ និងសុខភាពផ្លូវភេទ និងជាកន្លែងផ្តល់ព័ត៌មានពីការអប់រំសុខភាពផងដែរ។

ថ្លែងក្នុងបរិបទនេះលោកអភិបាលរងបានបញ្ជាក់ទៀតថា សុខភាជាគំនិតផ្តួចផ្តើមថ្មីមួយដែលជានវានុវត្តន៍ក្នុងការលើកកម្ពស់ការសិក្សាតាមប្រព័ន្ធឌីជីថល និងជាជំនួយស្មារតីដល់យុវជនទាំងក្នុង និងក្រៅសាលារៀនមានឱកាសទទួលបានព័ត៌មានពិតបែបវិទ្យាសាស្រ្តឆ្លើយតបទៅនឹងសេចក្តីចង់ចេះចង់ដឹងរបស់យុវជន។ ថ្នាក់ដឹកនាំក្រសួងមន្ទីរអប់រំ យុវជន និងកីឡាគ្រប់លំដាប់ថ្នាក់ត្រូវមានឆន្ទៈចូលរួមគ្រប់ភាគីពាក់ព័ន្ធទាំងទ្វេភាគី និងពហុភាគី ជាអាទិ៍ការចូលរួមគាំទ្រពីអង្គការនានានិងអង្គការដៃគូជាច្រើនទៀតជាពិសេសបានពីការកៀរគររបស់គ្រឹះស្ថានសិក្សាផ្ទាល់និងជាមួយសប្បុរសជនជិតឆ្ងាយផងដែរ៕

ដោយ៖ បៃ ស៊ីថុន