AKP ខេត្តព្រះសីហនុ ថ្ងៃទី២៩ ខែកក្តដា ឆ្នាំ២០២៦--ព្រឹកថ្ងៃពុធទី២៩ ខែកក្កដា ឆ្នាំ២០២៦ ឯកឧត្តម ហួត ហាក់ រដ្ឋមន្រ្តីក្រសួង ទេសចរណ៍ អញ្ជើញបើកវិទិកាធុរ​កិច្ចទេសចរណ៍​ឆ្នាំ២០២៦ ក្រោមប្រធាន បទ «ផ្សព្វផ្សាយយុទ្ធនា ការរដូវកាលបៃតង ទស្សនាខេត្តព្រះសីហនុ -កម្ពុជា» នៅសណ្ឋាគារឆ្នេរសុខា ស្ថិតនៅសង្កាត់ លេខ៣ ក្រុងព្រះសីហនុ។   

នាឪកាសនោះ ឯកឧត្តម ម៉ាង ស៊ីណេត អភិបាលខេត្តព្រះសីហនុ ថ្លែងថា​ វេទិកាធុរកិច្ចទេសចរណ៍ឆ្នាំ២០២៦ នៅលើទឹកដីតំបន់ឆ្នេរសមុទ្រកម្ពុជាដ៏ស្រស់បំព្រងដែលបានប្រសិទ្ធនាមថាជា «តារារៈនាទិសនិរតី» និងកំណត់ជាតំបន់សេដ្ឋកិច្ចពិសេសគំរូពហុបំណង។
«វេទិកាធុរកិច្ចទេសចរណ៍ឆ្នាំ២០២៦» និងដំណើរកម្សាន្តទេសចរណ៍ចិនមក កាន់ខេត្តព្រះសីហនុ ក្រោមប្រធានបទ “ផ្សព្វផ្សាយយុទ្ធនាការរដូវកាលបៃតងទស្សនាខេត្តព្រះសីហនុ-កម្ពុជា” ក្នុងគោល បំណងផ្សព្វផ្សាយយុទ្ធនាការរដូវកាលបៃតង (Green Season) ជំរុញការទាក់ទាញធុរកិច្ចទេស ចរចិន វិនិយោ គិនចិន និងការបង្កើនជើងហោះហើរត្រង់ ដើម្បីស្វាគមន៍ភ្ញៀវទេសចរអន្តរជាតិ ជាពិ សេសភ្ញៀវទេសចរជនជាតិចិនមកទស្សនាកម្សាន្តនៅខេត្តព្រះសីហនុឱ្យកាន់តែ។

រាជរដ្ឋាភិបាលនីតិ កាលទី៧ នៃរដ្ឋសភា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានយកចិត្តទុកដាក់ ពន្លឿនចក្ខុវិស័យដល់ឆ្នាំ២០៣៨ អភិវឌ្ឍខេត្តព្រះសីហនុ ឱ្យក្លាយទៅជាតំបន់សេដ្ឋកិច្ចពិសេសគំរូ ពហុបំណង ជាទីក្រុងបៃតងអាស៊ាន នៃប៉ូលអភិវឌ្ឍជាតិទំនើបប្រកបដោយចីរភាព សុខភាព និងសុភមង្គលនៅតំបន់ឆ្នេរសមុទ្រកម្ពុជា។ ផ្អែកលើសក្តានុពលទេសចរណ៍សមុទ្រ និងសហគមន៍ទេសចរណ៍ ខេត្តព្រះសីហនុ ត្រូវបានទទួលស្គាល់ថាជា “គោល ដៅ S3 (Sea, Sun and Sand)" ជាតារារះនាទិស និរតី និងស្ថិតក្នុងទីតាំងភូមិសាស្ត្រមានលក្ខណៈអំណោយផលតភ្ជាប់ច្រករបៀងទេសចរណ៍សមុទ្រភាគខាងត្បូង និងបណ្តាប្រទេសក្នុងតំបន់តាមរយៈផ្លូវគោក ផ្លូវសមុទ្រ និងផ្លូវអាកាស។ ​

ជាមួយគ្នានេះ រាជរដ្ឋាភិបាលបានគាំទ្រដល់ក្រសួងទេសចរណ៍ក្នុងការអនុវត្តយុទ្ធនាការ «រដូវកាលបៃតង» ដែលជាគំនិតផ្តួចផ្តើមទីផ្សារទេសចរណ៍ ផ្តោតលើភ្ញៀវទេសចរមកពីជុំវិញពិភព លោក ដោយការរំលេចនូវ ទេសភាពស្រស់ត្រកាល វប្បធម៌ដ៏សម្បូរបែប និងបរិយាកាសប្រកបដោយ សុខសន្តិភាពរបស់កម្ពុជា រួមនឹងការប្តូរឈ្មោះរដូវមូសុងជាពេលវេលាដ៏ល្អសម្រាប់ទស្សនាប្រទេសកម្ពុជា។

ទន្ទឹមនេះ រដ្ឋបាលខេត្តបានខិតខំជំរុញឱ្យមាន ការអភិវឌ្ឍតំបន់រមណីយ ដ្ឋានទេសចរណ៍ សកម្ម ភាពទេសចរណ៍ សកម្ម ភាពកម្សាន្តលើឆ្នេរខ្សាច់ ការមើលផ្កាថ្ម និងជីវចម្រុះបាតសមុទ្រ ស្ទូចត្រី ការកម្សាន្តតាមបណ្តាកោះនានា ការជិះទូកកាយ៉ាក ការជិះទូកកម្សាន្តតាមដង ព្រែក សហគមន៍ទេសចរណ៍ កសិទេសចរណ៍ រៀបចំមជ្ឈមណ្ឌលព័ត៌មានទេសចរណ៍ ហាងលក់វត្ថុអនុស្សាវរីយ៍ វិថីម្ហូបអាហារ និងរៀបចំឱ្យមានព្រឹត្តិការណ៍ទេសចរណ៍ផ្សេងៗ ក្នុងគោលបំណង ដើម្បីប្រែ ក្លាយខេត្តព្រះសីហនុជាគោលដៅធុរកិច្ច និងសម្រាកលម្ហែដ៏ទាក់ទាញទាំងក្នុងតំបន់ និងពិភព លោក សំដៅចូលរួមអភិវឌ្ឍវិស័យទេសចរណ៍ក្នុងខេត្តឱ្យមានការរីកចម្រើន ជាបន្តបន្ទាប់តាមរយៈការធ្វើពិពិធកម្មផលិតផលទេសចរណ៍ ការបន្តពង្រឹង គុណភាពផលិតផល សេវាកម្មទេសចរណ៍ និងការអនុវត្តច្បាប់គ្រប់ភាគីពាក់ព័ន្ធ។ ​

តាមរយៈ «វេទិកាធុរកិច្ចទេសចរណ៍ឆ្នាំ២០២៦» ខ្ញុំសង្ឃឹមយ៉ាងមុតមាំថា លោក លោកស្រីជាតំណាងស្ថាប័ន ភ្នាក់ងារ និងក្រុមហ៊ុនទេសចរណ៍ នឹងបន្តជួយជំរុញការផ្សព្វផ្សាយ និងស្វែងយល់ពីឱកាសវិនិយោគលើវិស័យទេសចរណ៍ក្នុងខេត្តព្រះសីហនុ ព្រមទាំងរួមគ្នាកសាងបណ្តាញទំនាក់ ទំនងទេសចរណ៍រវាងកម្ពុជា និងចិន តាមរយៈ៖
បង្កើត​វេទិកាបណ្តាញធុរកិច្ចទេសចរ និងរៀបចំកញ្ចប់ទេសចរណ៍រវាងក្រុមហ៊ុនទេសចរណ៍កម្ពុជា-ចិន។  

ឯកឧត្ដម ហួត ហាក់ រដ្ឋមន្ត្រីក្រសួង ទេសចរណ៍ អញ្ជើញបើកវេទិកាធុរកិច្ចទេសចរណ៍ឆ្នាំ២០២៦ នៅខេត្តព្រះ​សីហនុ ដែលជាខេត្តមានសក្តានុពលផ្នែកសេដ្ឋកិច្ច ទេសចរណ៍ ហើយវេទិការនះរៀបចំឡើងក្នុងគោលបំណង​ដើម្បីផ្គូរផ្គងអ្នកវិនិយោគ និងការផ្សព្វផ្សាយសក្តានុពលទេសចរណ៍កម្ពុជា ស្របតាមគោលនយោ បាយលើកទឹកចិត្តរបស់រាជ រដ្ឋាភិបាល តាមរយៈការបង្កើតបរិយាកាសអំណោយផលដល់ភ្ញៀវទេសចរ និងអ្នកវិនិយោគិន​ ជាពិសេសកម្មវិធីលើកទឹក ចិត្តជំរុញការវនិយោគ ក៏ដូចជាការទស្សនាកម្ពុជានៅរដូវបៃតង ចាប់ពីថ្ងៃទី១៥ ខែមិថុនា រហូតដល់ថ្ងៃទី១៥ ខែតុលា​ ២០២៦។

ឯកឧត្តម រដ្ឋមន្ត្រីក្រសួងទេសចរណ៍ បានថ្លែងអគុណរដ្ឋបាលខេត្ត​ ក៏ដូចធុរកិច្ចទេសចរចិន ដែលបានចូលរួមនាពេល​នេះ ទទួលស្គាល់ថា ខេត្តព្រះសីហនុ ជាគោលដៅទេសចរណ៍ S3 (Sea, Sun and Sand) ដល់ក្រុមហ៊ុនភ្នាក់ងារទេសចរណ៍ចិន ដែលមានបទពិសោធន៍សម្រាប់ការរៀបចំកញ្ចប់ទេសចរណ៍ និងផ្សព្វ ផ្សាយតំបន់ឆ្នេរទាំង៤ ត្រូវបានហៅថា K4 ទទួលពានរង្វាន់ឆ្នេរស្អាតជាងគេបំផុតលើពិភពលោកបានដើរតួនាទីយ៉ាងសំខាន់ក្នុងការពង្រីកសក្តានុពល ទេសចរណ៍កម្ពុជាទៅកាន់ពិភពលោក។ វេទិកានាពេល​នេះ មានព្រឹត្តិការណ៍អមជាច្រើនមានដូចជា ការតាំងពិព័រណ៌ផលិតផល ក្នុងស្រុក​ ផលិតផលភូមិមួយផលិតផលមួយ រួមវេទិកាកីឡាទេសចរណ៍ជា ច្រើនទៀតមានដូចជា គុណខ្មែរ បាល់ទះលើឆ្នេរខ្សាច់ វាយកូនឃ្លីលើតុ ចំបាច់កាច់ដៃជាដើម។ រាជ រដ្ឋាភិបាលនីតិកាលទី៧ រក្សាបាននូវសុខសន្តិភាព ស្ថិរភាពនយោបាយ និងម៉ាក្រូសេដ្ឋកិច្ចមានការអភិវឌ្ឍរីកចម្រើនលើគ្រប់វិស័យធានាដល់វិស័យទេសចរណ៍មានការរីកចម្រើន។ រាជរដ្ឋាភិបាលចាត់ទុកវិស័យទេសចរណ៍ ជាមាសបៃតង​ និងជាឆ្អឹង ខ្នងសេដ្ឋកិច្ចយ៉ាងសំខាន់សម្រេចបានភាពរីក ចម្រើនជាបន្តបន្ទាប់។ វេទិការអន្តរជាតិថ្ងៃនេះ មានសារៈសំខាន់សំដៅចែករំលែកបទពិសោធន៍នូវចំណុចខ្លាំង និងកំណត់គោលដៅអភិវឌ្ឍន៍វិស័យទេសចរណ៍ និងទាក់ទាញភ្ញៀវទេសចរអន្តរជាតិ ជាពិសេសទេសចរជនជាតិចិនមកទស្សនា និងវិនិ យោគនៅកម្ពុជា ក៏ដូចជាខេត្តព្រះសីហនុ។

វិស័យទេសចរណ៍នាំមកនូវចំណូលប៉ុណ្ណោះទេ គឺជាស្ពាននាំមកនូវឪកាសវិនិ យោគផ្ទាល់ផងដែរ ដូច្នេះវេទិការទេសចរណ៍នេះ​ ជាការប្រមូលផ្តុំមតិយោ បល់រវាងរដ្ឋ និងឯកជន ស្របនឹងឆ្នាំទេសចរណ៍កម្ពុជា ចិន ផ្តល់ភាពងាយ ស្រួលក្នុងការធ្វើដំណើរទេសចរណ៍ និងធុរកិច្ចស្រូបទាញអ្នកទេសចរ និងវិនិយោគិនចិនមកកម្ពុជា ។ ក្រួសទេសចរណ៍បានដាក់ ចេញទស្សាទាទានគន្លឹះចំនួន៣ មានដូចជា ១.ពង្រឹងភាពជាដៃគូរវាងរដ្ឋ និងឯកជន​ ២.ពង្រឹងគុណភាពសេវាកម្ម​ ពង្រីកផលិតផលទេសចរណ៍ថ្មីៗ ៣.ត្រៀមខ្លួនទទួលយកលំហូរភ្ញៀវទេសចរ និងវិនិយោគិនអន្តរជាតិមកកាន់ខេត្តព្រះសីហនុនាពេលខាងមុខ ៕

ដោយ៖ងូ សុមុនី