AKP ភ្នំពេញ ថ្ងៃទី២៧ ខែកក្កដា ឆ្នាំ២០២៦ -- រដ្ឋមន្ត្រីការបរទេសអ៊ីរ៉ង់លោក អាបាស់ អារ៉ាកជី បាននិយាយថា អ៊ីរ៉ង់មិនចាត់ទុកប្រទេសជិតខាងនៅមជ្ឈិមបូព៌ាជាសត្រូវទេ ដោយសកម្មភាពរបស់ខ្លួនផ្តោតតែទៅលើសហរដ្ឋអាមេរិកប៉ុណ្ណោះ។

លោកបាននិយាយនៅក្នុងបទសម្ភាសន៍មួយជាមួយកាសែតអ៊ីរ៉ង់ថា«នៅក្នុងកម្រិតតំបន់ មានការយល់ដឹងជាទូទៅថា សកម្មភាពដែលអ៊ីរ៉ង់កំពុងធ្វើមិនមែនបណ្តាលមកពីអរិភាពចំពោះប្រទេសនានាក្នុងតំបន់នោះទេ ប៉ុន្តែត្រូវបានជំរុញដោយហេតុផលផ្សេងទៀតដែលគ្រប់ភាគីទាំងអស់បានដឹងនិងយល់»។

រដ្ឋមន្ត្រីរូបនេះបានកត់សម្គាល់ថា បន្ទាប់ពីបញ្ចប់ជម្លោះ ទីក្រុងតេអេរ៉ង់មានបំណងចូលរួមក្នុងកិច្ចសន្ទនា និងស្តារទំនុកចិត្តឡើងវិញជាមួយបណ្តាប្រទេសជិតខាងរបស់ខ្លួន៕

ដោយ៖ យា ចិន្ដាខន្ដី (ប្រភព៖ តាសស៍)