AKPកំពង់ធំថ្ងៃទី២៦ខែកក្កដាឆ្នាំ២០២៦--

ក្រុមប្រឹក្សាវប្បធម៌អាស៊ីនៅថ្ងៃទី២៦ខែក ក្កដាឆ្នាំ២០២៦បានចេញសេចក្ដីប្រកាសព័ ត៌មានស្ដីពីលទ្ធផលនៃការពិនិត្យនិងព្យាបាលជំងឺដោយឥតគិតថ្លៃជូនប្រជាពលរដ្ឋខេត្តកំពង់ធំដោយសមាគមក្រុមគ្រូពេទ្យស្ម័គ្រចិត្តខេត្តស្យុងសាងប៊ុកដូនៃសាធារណរដ្ឋកូរ៉េ ក្នុង «កម្មវិធីអ្នកតំណាងរាស្ត្រដើម្បីសុខភាពប្រជាជន»ខេត្តកំពង់ធំ ថ្ងៃទី២៤-២៥ ខែកក្កដា ឆ្នាំ២០២៦។

តាមរយៈកិច្ចសហប្រតិបត្តិការរវាងខេត្តស្យុងសាងប៊ុកដូនៃសាធារណរដ្ឋកូរ៉េ និងក្រុមប្រឹក្សាវប្បធម៌អាស៊ី (ACC) សមាគមក្រុមគ្រូពេទ្យស្ម័គ្រចិត្តនៃខេត្តស្យុងសាងប៊ុកដូ បានចុះមកពិនិត្យនិងព្យាបាលជំងឺជូនប្រជាជន ខេត្តកំពង់ធំដោយឥតគិតថ្លៃ ក្នុង «កម្មវិធីអ្នកតំណា ងរាស្ត្រដើម្បីសុខភាពប្រជាជន» រយៈ ពេល២ថ្ងៃ ចាប់ពីថ្ងៃទី២៤-២៥ ខែកក្កដា ឆ្នាំ២០២៦ នៅមន្ទីរពេទ្យបង្អែកខេត្តកំពង់ធំ ដោយសហការរៀបចំជាមួយ រដ្ឋបាលខេត្ត មន្ទីរពេទ្យសុខាភិបា លខេត្ត មណ្ឌលអ្នកតំណាងរាស្ត្រ និងសមាគមប្រឹក្សាសុខភាពប្រជាជន និង មានការចូលរួមស្ម័គ្រចិត្តពីយុវជនមកពី សហភាពសហព័ន្ធយុវជនកម្ពុជា (ស.ស.យ.ក) កាកបាទក្រហម និងមូលនិធិចលនាភូមិថ្មី។

នៅថ្ងៃទី២៥ ខែកក្កដា ឆ្នាំ២០២៦ ឯកឧត្តម សួស យ៉ារ៉ា អ្នកតំណាងរាស្ត្រមណ្ឌលខេត្តកំពង់ធំ និង ជាប្រធាន ACC និងឯកឧត្តម អ៊ុង វុទ្ធី អភិបាលរ ងខេត្តកំពង់ធំ តំណាងរបស់ឯកឧត្តម នួន ផារ័ត្ន អភិបាលនៃគណៈអភិបាលខេត្តកំពង់ធំ ដោយមានការចូលរួមពីឯកឧ ត្តម លោកជំទាវ អ្នកតំណាងរាស្ត្រមណ្ឌល ខេត្តកំពង់ធំ បានជួបសំណេះសំណាលជាមួយប្រជាពលរដ្ឋដែលមកទទួលសេវាសុខភាព និងចុះពិនិត្យ សកម្មភាពពិនិត្យព្យាបាលជំងឺ ដើម្បីស្វែងយល់ពីតម្រូវការជាក់ស្តែង និងលើកទឹកចិត្តដល់ការបន្តអភិវឌ្ឍសេវា សុខាភិបាលសម្រា ប់សហគមន៍។

ក្នុងរយៈពេលពីរថ្ងៃនៃការពិនិត្យព្យាបាលនេះ សមាគមក្រុមគ្រូពេទ្យស្ម័គ្រចិត្តនៃខេត្តស្យុងសាងប៊ុកដូ ដឹកនាំដោយ លោកវេជ្ជបណ្ឌិត Lee Gilho ប្រធានសមាគម បានផ្តល់សេវាពិនិត្យ និងព្យាបាលជំងឺជូនប្រជា ពលរដ្ឋសរុបចំនួនប្រមាណ ៣២០០ នាក់ ទៅតាមសេវាវេជ្ជសាស្ត្រដូចជា ជំងឺទូទៅ ជំងឺមាត់ធ្មេញ ថតឆ្លុះ ក្រពះពោះវៀន រោគស្ត្រី ជំងឺកុមារ ចក្ខុរោគ ចាក់ម្ជុលវិជ្ជាសាស្ត្រ និងពិនិត្យឈាមដោយប្រើប្រាស់បរិក្ខារវេជ្ជសាស្ត្រ ទំនើប និងផ្តល់ឱសថឥតគិតថ្លៃ ដើម្បីធានាបាននូវសេវាព្យាបាលប្រកបដោយគុណភាព និងប្រសិទ្ធភាព។

បន្ថែមពីលើសេវាពិនិត្យ និងព្យាបាលជំងឺ ក្រុមគ្រូពេទ្យស្ម័គ្រចិត្តខេត្តឈៀងសាងប៊ុកដូ ក៏បានចែកជូនអំណោយ មនុស្ស ធម៌ ដល់កុមារ និងប្រជាពលរដ្ឋ រួមមាន សម្ភារសិក្សា សម្លៀកបំពាក់កុមារ ប្រដា ប់ក្មេងលេង ឈុតថ្នាំ ដុសធ្មេញ និងច្រាសដុសធ្មេញ សម្ភារប្រើប្រាស់ផ្នែកវេជ្ជសាស្ត្រ និងសម្ភារចាំបាច់ផ្សេងៗ ផងដែរ។

ចាប់ពីឆ្នាំ២០១៣ កម្មវិធី «អ្នកតំណាងរាស្ត្រដើម្បីសុខភាពប្រជាជន» បានក្លា យជាគំនិតផ្តួចផ្តើម មនុស្សធម៌ដ៏មានអត្ថន័យមួយ ក្រោមកិច្ចសហប្រតិបត្តិការរវាងព្រះរាជាណាចក្រកម្ពុជា និងសាធារណរដ្ឋកូរ៉េ រួមទាំងរវាងខេត្តស្យុងសាងប៊ុកដូ និងខេត្តកំពង់ធំដែលមាន ឯកឧត្តមឧបនាយករដ្ឋមន្ត្រី វង្សី វិស្សុត ជា ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ ដែលបាននាំសេវាសុខាភិបាលដោយឥតគិតថ្លៃ ផ្តល់ជូនប្រជាពលរដ្ឋ និងបានបរិច្ចាគសម្ភារៈបរិក្ខារវេជ្ជសាស្ត្រមកកម្ពុជាជាបន្ត បន្ទា ប់។

សកម្មភាពមនុស្ស ធម៌នេះបានរួមចំណែ កយ៉ាងសំខាន់ក្នុងកិច្ចការមនុស្សធម៌ ការលើកកម្ពស់សុខុមាលភាពប្រជាជន តាម «ផែនការ យុទ្ធសាស្ត្រសុខាភិបាល ២០២៥- ២០៣៤» ក្រោមការដឹកនាំប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕

ដោយ៖ ស៊ុម វណ្ណា