AKPកំពង់ធំថ្ងៃទី២៦ខែកក្កដាឆ្នាំ២០២៦--

ឯកឧត្តម សួស យ៉ារ៉ា តំណាងរាស្រ្តមណ្ឌលខេត្តកំពង់ធំ និងជាអនុប្រធានក្រុមការងារគណបក្សចុះមូលដ្ឋានខេត្តកំពង់ធំ បានថ្លែងថាទីស្នាក់ការគណបក្សប្រជាជនកម្ពុជាថ្មីស្តែងចេញពីការរួបរួមសាមគ្គីគ្នារបស់សមាជិក សមាជិកា គណបក្ស ។

ឯកឧត្តម សួស យ៉ារ៉ា ថ្លែងដូចនេះក្នុងពិធីកាត់ខ្សែបូណ៌សម្ពោធទីស្នាក់ការគ ណបក្សប្រជាជនកម្ពុជាឃុំត្រពាំងឬស្សី ស្ថិតនៅភូមិស្នោ ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ កាលពីថ្ងៃទី២៥ ខែកក្កដា ឆ្នាំ២០២៦។

ឯកឧត្តមសួស យ៉ារ៉ាបានថ្លែងអំណ រគុណដល់ប្រធានក្រុមការងារចុះមូល ដ្ឋានឃុំ និងគណៈកម្មាធិការគណបក្សឃុំនិងសមាជិក សមាជិកា ដែលបានខិតខំសាមគ្គីគ្នាក្នុងការកសាងអគារស្នាក់ការគណបក្សថ្មីដែលបានចំណាយពេលវេលានិងថវិកាផ្ទាល់ខ្លួន ក្នុងការបំពេញ ការងារជូនគណបក្ស ជាពិសេសបានកសាងអគារថ្មីរបស់ស្នាក់ការគណបក្សនេះឡើងដើម្បីបង្កលក្ខណៈងាយស្រួលក្នុងការធ្វើការងាររបស់មន្ត្រីគណ
បក្ស។

ឯកឧត្តមបន្ថែមថាគណបក្សប្រជាជនកម្ពុជា គឺជាគណបក្សមួយដែលមានរចនាសម្ព័ន្ធរឹងមាំចាប់ពីថ្នាក់កណ្តាល រហូតដល់ថ្នាក់ខេត្ត ឃុំ សង្កាត់ ភូមិ ហើយមានវ័យចំណាស់ជាងគេ មាន បទពិសោធន៍គ្រប់គ្រាន់និងមានស្នាដៃធំៗជាច្រើន ជូនប្រជាជន និងប្រទេស ជាតិបានកសាង នឹងកំពុងបន្តកសាងជាបន្តបន្ទាប់។

ឯកឧត្តមសង្ឃឹមថាសមិទ្ធផលទីស្នាក់ ការគណបក្សនេះនឹងផ្តល់នូវទំនុកចិត្តបន្ថែមព្រមទាំងសម្រួលដល់សមាជិកសមាជិកាគណបក្សបានល្អប្រសើរឡើងមួយកម្រិតទៀតនិងសង្កត់ធ្ងន់ថា នាពេលខាងមុខនេះ ពិតជាមានសារៈ សំខាន់ណាស់ សម្រាប់សកម្មជនគណបក្ស ក្នុងការផ្សព្វផ្សាយអំពីគោលនយោបាយរបស់គណបក្ស និងសមិទ្ធផលនានារបស់គណបក្ស ដើម្បីស្វែងរកសំឡេងអ្នកគាំទ្រគណបក្ស ជាពិ សេសត្រូវអញ្ជើញសមាជិករបស់គណៈ បក្ស ចូលរួមបោះឆ្នោតឲ្យបានគ្រប់ៗគ្នា ហើយសមាជិកម្នាក់ក្លាយជាសន្លឹកឆ្នោតមួយសន្លឹកពិតប្រាកដ។
និងបានផ្ដាំផ្ញើដល់សមាជិកសមាជិកា និងយុវជនគណបក្សប្រជាជនកម្ពុជាទាំងអស់ ពង្រឹងពីតួនាទី/ភារកិច្ចរបស់ខ្លួន និងចូលរួមផ្សព្វផ្សាយពីគោល នយោបាយរបស់គណបក្សប្រជាជនកម្ពុជានៅក្នុងមូលដ្ឋានឲ្យបានបានរឹងមាំ និងមានភាពច្បាស់លាស់ក្នុងការទ ទួលខុសត្រូវខ្ពស់។

ជាមួយគ្នានេះឯកឧត្តមបានលើកឡើងពីបញ្ហាព្រំដែនកម្ពុជា-ថៃ ថ្នាក់ដឹកនាំរបស់កម្ពុជានៅតែប្រើប្រាស់យន្តការដោះ ស្រាយតាមច្បាប់អន្តរជាតិ ដូចនេះសូមបងប្អូនទាំងអស់ត្រូវមានទំនុកចិត្តលើរាជរដ្ឋាភិបាលកម្ពុជាក្រោមការដឹកនាំរបស់សម្តេចធិបតី ហ៊ុន ម៉ាណែត។

គួរបញ្ជាក់ថាចំណងដៃដ៏ថ្លៃថ្លាមិនអាចកាត់ថ្លៃបាន សម្រាប់គណៈកម្មាធិការគណបក្សឃុំ ត្រពាំងឫស្សី ដែលមានទំហំ ៨ គុណ ១៦ ម៉ែត្រ ធ្វើអំពីឥដ្ឋប្រក់ក្បឿងជ័រ នៅលើផ្ទៃដីទំហំ ២៧ គុណ ៣៣ ម៉ែត្រ ហើយបានចាប់ផ្តើមបុកគ្រឹះសាងសង់ក្នុងខែ ឧសភា ឆ្នាំ ២០២៥ រហូតដល់ ចេញរូបរាងអាគារ ស្នាក់ការបក្សដ៏ស្រស់ស្អាតនាពេលនេះ ដែលចំណាយថវិកាអស់ចំនួន៤៣.៧៥០ ដុល្លារ(បួនម៉ឺនបីពាន់ប្រាំពីររយហាសិបដុល្លារ)៕

ដោយ៖ ស៊ុមវណ្ណា