AKP ខេត្តព្រះសីហនុ ថ្ងៃទី២០ ខែកក្តដា ឆ្នាំ២០២៦---

នៅថ្ងៃចន្ទទី២០ ខែកក្កដា ឆ្នាំ២០២៦ លោក គាំ សុខុម នាយកសាខាកាកបាទ ក្រហមកម្ពុជា ខេត្តព្រះសីហនុ និងលោក អុី ធារិន ប្រធានអនុសាខាស្រុកព្រៃនប់ មន្ត្រីសាខា មន្ត្រីអនុសាខា ស្រុក អ្នកស្ម័គ្រចិត្តចំនួន ១២៦នាក់ ស្រី ២៤នាក់  បានចុះផ្សព្វផ្សាយជំងឺគ្រុន ឈាម គ្រុនឈីក ដល់មន្ត្រីមណ្ឌលសុខ ភាពទាំង ៦ឃុំ និងអាជ្ញាធរមូលដ្ឋានដោយ មានការសហការជាមួយមន្ត្រីជំនាញ នៃមន្ទីរសុខាភិបាលខេត្ត ចុះធ្វើយុទ្ធនាការផ្សព្វផ្សាយ និងដាក់ថ្នាំអាល់ប៊ែតនៅក្នុងស្រុកព្រៃនប់ ចាប់ពីទី២០ ដល់ ថ្ងៃទី ២២ ក្នុងឃុំទាំង ១០ឃុំ ក្នុងស្រុកព្រៃនប់ ។

លោក គាំ សុខុម នាយក សាខាកាក បាទក្រហម ខេត្តព្រះសីហនុ បានឪ្យដឹងថា ក្នុងយុទ្ធនាការនេះ មានគោលបំណង ដើម្បីបង្ការជំងឺគ្រុនឈាម និងជំងឺគ្រុនឈីក ដែលអាចឆ្លងតាមរយៈមូសខ្លាញីខាំ ដោយការដាក់ថ្នាំអាល់ប៊ែតឪ្យបានគ្រប់ធុង ពាង អាង នៅតាមខ្នងផ្ទះ ដោយមានប្រើខិតប័ណ្ណ ផ្សព្វផ្សាយហើយយុទ្ធនាកានេះត្រូវបានធ្វើឡើងទៅតាមក្រុមនីមួយៗគ្រប់ភូមិ ក្នុងស្រុកព្រៃនប់ ដើម្បីផ្សព្វផ្សាយដល់ប្រជាពលរដ្ឋឱ្យយល់ដឹងដូចជា៖

១. សូមចូលរួមកំចាត់ដង្កូវ ទឹកមូសខ្លា និងធានាថា មិនមានដង្កូវទឹក នៅក្នុងបរិ វេណផ្ទះសំបែង តាមរយៈការកម្ទេចចោល និងលុបបំបាត់ចោល នូវរាល់វត្ថុដក់ទឹក ដែលមិនប្រើប្រាស់ ដូចជាសំបកកង់ឡាន កង់ម៉ូតូ សំបកកំប៉ុង ធុង ក្រឡ ពាង អាង ដែលមិនប្រើប្រាស់ សំបកដប សំបកដូង និងវត្ថុអាចដក់ទឹកដទៃ ទៀត ដែលនៅជុំវិញបរិ វេណផ្ទះរបស់លោក អ្នក ត្រូវលាងសម្អាតសម្ភារៈ ឬវត្ថុប្រើប្រាស់ផ្សេងៗ សម្រាប់ស្ដុកទឹកឪ្យបានពីរ ដងក្នុងមួយសប្ដាហ៍ ឬដាក់ថ្នាំអាប៊ែត ត្រីប្រាំពីរពណ៌ ឬគ្របឪ្យបានត្រឹមត្រូវនូវពាង អាងទឹក ធុង ក្រឡ ថូផ្កា ចានទ្រជើងទូ។ល។

២. ត្រូវកំចាត់សត្វមូសខ្លា តាមរយៈរៀបចំសម្ភារៈ ក្នុងផ្ទះឱ្យមានសណ្ដាប់ធ្នាប់ ធ្វើយ៉ាងណាឱ្យមានពន្លឺចាំងចូលក្នុងផ្ទះបានល្អ លុបបំបាត់កំប៉ូតព្រៃស៊ុបទ្រុបជុំវិញផ្ទះ និងចូលរួមសហការជាមួយភ្នាក់ងារសុខា ភិបាលក្នុងករណីមានការបាញ់ថ្នាំសម្លាប់មូស។
៣.ត្រូវការពារខ្លួនកុំឪ្យមូសខ្លាញីខាំតាម រយៈការដេកក្នុងមុង (ទាំងថ្ងៃយប់) ស្លៀកពាក់ខោអាវវែង មិន ត្រូវអង្គុយ ឬសំរាកនៅក ន្លែងដែលមិនមានពន្លឺគ្រប់ គ្រាន់នោះទេ។
៤.បច្ចុប្បន្នករណីជំងឺគ្រុនឈាម និងគ្រុនឈីក ចម្លងបងប្អូនប្រជាពលរដ្ឋមិនថាក្មេង ឬចាស់នោះទេ ត្រូវរូសរាន់ស្វែងរកសេវាថែទាំសុខភាព ដែលនៅជិតអ្នក បំផុតដូចជា មណ្ឌលសុខ ភាព និងមន្ទីរពេទ្យ ក្នុងករណីក្រុមគ្រួសារណាម្នាក់ របស់អ្នកមានសញ្ញា ឬសញ្ញជំងឺ ដូចជាក្ដៅខ្លួន (ក្ដៅខ្លួនខ្លាំងភ្លាមៗ ៣៩ អង្សាសេឡើង) និងសញ្ញាបន្ទាប់បន្សុំផ្សេង ទៀតដូចជាមុខក្រហម ឈឺក្បាល ឈឺក្រោមក្រឡង់ភ្នែក ឈឺសាច់ដុំ ឬសន្លាក់ ឈឺខ្លួន ស្នាមកន្ទួលក្រហមជាដើម។ 

គ្រប់ករណីសង្ស័យជំងឺគ្រុនឈាម និងគ្រុនឈីក មិនត្រូវសាកល្បងព្យា បាលដោយខ្លួនឯង ឬការប្រើប្រាស់ថ្នាំប្រភេទ អាស្ពីរីនឬអ៊ីប៉ុយព្រូហ្វែន ជាដាច់ខាត និងមិនត្រូវស្វែងរកសេវាថែទាំសុខ ភាពណាដែលមិនមានជំនាញវិជ្ជាជីវៈធ្វើការពិនិត្យព្យាបាលជំងឺគ្រុនឈាម និងគ្រុនឈីក ឡើយ។

សូមរំលឹកថា សាខាកាក បាទក្រហមកម្ពុជា ខេត្តព្រះសីហនុ សហការជាមួយមន្ទីរសុខាភិបាលខេត្ត ចុះធ្វើការផ្សព្វផ្សាយ និងចុះដាក់ថ្នាំអាល់ប៊ែតនៅតាមខ្នងផ្ទះប្រជាពលរដ្ឋនៅតាមក្រុង ស្រុកក្នុងខេត្តព្រះសីហនុ ជាបន្តបន្ទាប់ ៕

ដោយ៖ ងូ សុមុនី