​ AKP ឧត្តរមានជ័យ ថ្ងៃទី១៧ ខែកក្កដា ឆ្នាំ២០២៦--នៅរដ្ឋបាលសង្កាត់កូនគ្រៀល ក្រុងសំរោ ង ខេត្តឧត្តរមានជ័យ នាព្រឹកថ្ងៃសុក្រទី១៧ ខែកក្កដា ឆ្នាំ២០២៦ លោក ផុន ចាន់និល អភិបាល នៃគណៈអភិបាលក្រុងសំរោង ដឹកនាំកិច្ចប្រជុំណែនាំការអនុវត្តភារកិច្ច ដល់មន្ត្រីបម្រើការងារតាមយន្តការច្រកចេញចូលតែមួយ របស់រដ្ឋបាលសង្កាត់កូនគ្រៀល ។លោក ផុន ចាន់និល បានថ្លែងថា ការលើកកម្ពស់គុណភាព តម្លាភាព និងការបង្កើនល្បឿននៃការផ្តល់សេវាសាធារ ណៈ តាមរយៈយន្តការច្រកចេញចូលតែមួយនៅថ្នាក់មូលដ្ឋាន ជាកិច្ចការងារអាទិភាព ក្នុងការឆ្លើយតបទៅនឹងតម្រូវការជាក់ស្តែង និងបង្កើនភាពកក់ក្តៅជូនប្រជាពលរដ្ឋ ។

លោក បានដាក់ចេញនូវការណែនាំគន្លឹះៗ ដល់លោកចៅសង្កាត់រងទី១ មន្ត្រីពាក់ព័ន្ធ ព្រមទាំងបុគ្គលិកប្រចាំការច្រកទាំងអស់ ត្រូវបន្តពង្រឹងវត្តមាន វិន័យការងារ របៀបរៀបរយ និងត្រូវយកចិត្តទុកដាក់ខ្ពស់ក្នុងការសម្របសម្រួល បែបបទឯកសារជូនប្រជាពលរដ្ឋ ឱ្យបានលឿនរហ័ស ត្រឹមត្រូវតាមច្បាប់ និងប្រកបដោយក្រមសីលធម៌វិជ្ជាជីវៈខ្ពស់។

លោកអភិបាលក្រុង បន្តថា កិច្ចប្រជុំនិងការចុះត្រួតពិនិត្យនេះ ធ្វើឡើងដើមី្បស្វែងយល់ពីបញ្ហាប្រឈមនានានៅថ្នាក់មូលដ្ឋាន ក្នុងគោលបំណងកែលម្អ និងជំរុញឱ្យការផ្តល់សេវាសាធារណៈនៅក្នុងសង្កាត់កូនគ្រៀល ដំណើរការទៅបានកាន់តែល្អប្រសើរ ងាយស្រួល និងខិតជិតប្រជាពលរដ្ឋទ្វេឡើង៕

ដោយ៖ ទិត ស្រ៊