AKP ភ្នំពេញ ថ្ងៃទី១៥ ខែកក្កដា ឆ្នាំ២០២៦-- អង្គភាពប្រឆាំងអំពើពុករលួយ (អ.ប.ព) បានចេញសេចក្តីប្រកាសពីការបន្តចូលរួមសង្កេតការណ៍ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦។

ជាមួយការចេញសេចក្តីប្រកាសនេះអង្គភាពប្រឆាំងអំពើពុករលួយក៏បានប្រកាសអំពីការជ្រើសរើសអ្នកសង្កេតការណ៍ស្ម័គ្រចិត្តចំនួនសរុប ៤១៥០នាក់ ដើម្បីចូលរួមសង្កេតការណ៍តាមមណ្ឌលប្រឡងរាជធានី-ខេត្ត។

អង្គភាពប្រឆាំងអំពើពុករលួយបានឱ្យដឹងដែរថា ចំពោះកាលបរិច្ឆេទចុះឈ្មោះធ្វើជាអ្នកសង្កេតការណ៍ស្ម័គ្រចិត្តចាប់ពីថ្ងៃជូនដំណឹងនេះរហូតដល់ថ្ងៃទី២២ ខែកក្កដា ឆ្នាំ២០២៦ ម៉ោង២៤៖០០នាទី។ អង្គភាពប្រឆាំងអំពើពុករលួយនឹងប្រកាសឈ្មោះអ្នកជាប់ជាអ្នកសង្កេតការណ៍ស្ម័គ្រចិត្តក្រោយពិនិត្យ និងសម្រេចជ្រើសរើសរួច៕
 

ដោយ៖ មករា