AKP ភ្នំពេញ ថ្ងៃទី១៥ ខែកក្កដា ឆ្នាំ២០២៦ -- អ្នកនាំពាក្យវិមានក្រឹមឡាំងលោក ឌីមីទ្រី ប៉េសកូវ បាននិយាយកាលពីថ្ងៃអង្គារថា វាមិនអាចទៅរួចទេក្នុងការបង្កើតការធានាសន្តិសុខសម្រាប់អ៊ុយក្រែនដោយគ្មានការចូលរួមពីរុស្ស៊ី។

នៅពេលមុននេះ បន្ទាប់ពីកិច្ចប្រជុំកំពូលនៃ «សម្ព័ន្ធភាពនៃឆន្ទៈ» នៅទីក្រុងប៉ារីស អធិការបតីអាល្លឺម៉ង់ លោក ហ្រ្វៀដរីច មើស បាននិយាយថារុស្ស៊ីនឹងមិនចូលរួមក្នុងការអភិវឌ្ឍយន្តការសម្រាប់ការធានាសន្តិសុខសម្រាប់អ៊ុយក្រែនទេ។

លោក ប៉េសកូវ បានប្រាប់អ្នកសារព័ត៌មានថា «សេចក្តីថ្លែងការណ៍របស់លោកអធិការបតី មើស បង្ហាញពីភាពជាប់គាំងនៃជំហររបស់បណ្តាប្រទេសនៅអឺរ៉ុប។ វាមិនអាចទៅរួចទេក្នុងការបង្កើតការធានាសន្តិសុខដោយគ្មានការចូលរួមពីរុស្ស៊ី»៕

ដោយ៖ យា ចិន្ដាខន្ដី (ប្រភព៖ ស្ពុតនីក)