AKP ភ្នំពេញ ថ្ងៃទី៨ ខែកក្តដា ឆ្នាំ២០២៦--កម្មវិធីស្បៀងអាហារពិភពលោក World Food Progeamme (WFP) ប្រចាំកម្ពុជា បានសហការជាមួយដៃគូក្នុងវិស័យឯកជន ដោយដាក់ឱ្យអនុវត្តសាកល្បងនូវការប្រើប្រាស់អង្ករមីក្រូសារជាតិ នៅក្នុងអាហារដ្ឋានតាមរោងចក្រ នាតំបន់សេដ្ឋកិច្ចពិសេសភ្នំពេញ(PPSEZ)។

ប្រភភពពី កម្មវិធីស្បៀងអាហារពិភព លោក (WFP) បានឱ្យដឹងនៅថ្ងៃទី៧ ខែកក្កដា ឆ្នាំ២០២៦ថា ក្នុងសប្តាហ៍នេះ ដោយមានការគាំទ្រពីរដ្ឋាភិបាលជប៉ុន គំនិតផ្តួចផ្តើមថ្មីនេះបានបង្កើតឱ្យមានការសាកល្បងបរិភោគក្នុងចំណោមកម្មករ-កម្មការិនី ជាមួយគោលបំណងលើកកម្ពស់ការទទួលបានវីតាមីន និងសារធាតុរ៉ែសំខាន់ៗ តាមរយៈអាហារដែលពួកគាត់ទទួលទានជារៀងរាល់ថ្ងៃស្រាប់ នោះគឺ «បាយ»។ អង្ករមីក្រូសារជាតិ ត្រូវបានបន្ថែមនូវសារធាតុចិញ្ចឹមសំខាន់ៗ រួមមាន វីតាមីនអា (Vitamin A) វីតាមីនបេ (Vitamins B) សារធាតុដែក និងជាតិស័ង្កសី ដែលជួយកែលម្អគុណភាពរបបអាហារ និងដោះស្រាយបញ្ហាកង្វះមីក្រូសារធាតុចិញ្ចឹម។

កម្មវិធីស្បៀងអាហារពិភពលោក (WFP) យើងកំពុងរួមគ្នាជាមួយដៃគូក្នុងវិស័យឧស្សាហកម្ម ដើម្បីស្វែងរកដំណោះស្រាយជាក់ស្តែងនានា ក្នុងការគាំទ្រដល់សុខភាព សុខុមាលភាព និងផលិតភាពរបស់កម្មករ-កម្មការិនី ៕

ដោយ ៖ ណយ នឿន ,ប្រភព៖World Food Progeamme