EN 
FR 
AR
CNប្រជាពលរដ្ឋនិងសិស្សានុសិស្សនៅឃុំដងកាំបិត គោរពថ្លែងអំណរគុណសម្តេចធិបតី ហ៊ុន ម៉ាណែត និងលោកជំទាវ ដែលបានផ្ដល់សាឡាងជូនពួកគាត់ ឆ្លងកាត់ដងស្ទឹងសែនដោយឥតគិតថ្លៃ
AKPកំពង់ធំថ្ងៃទី០៨ខែ កក្កដាឆ្នាំ២០២៦--ឧត្ដមសេនីយ៍ទោ សោម ស៊ុន មេបញ្ជា ការតំបន់ប្រតិបត្តិការសឹករងកំពង់ធំ អនុប្រធានក្រុមការងាររាជរដ្ឋាភិបាលចុះមូលដ្ឋានស្រុកសណ្ដាន់ និងជាប្រធានក្រុមក្រុមការងាររាជរដ្ឋាភិបាលចុះមូលដ្ឋានឃុំដងកាំបិត កាលពីថ្ងៃទី០៧ ខែកក្កដាឆ្នាំ២០២៦បានដឹកនាំសហការី រួមជាមួយអាជ្ញាដែនដី ទៅពិនិត្យ និងសិក្សាអំពីដំណើរការសាឡាងឆ្លងកាត់ដងស្ទឹងសែន ការបម្រើប្រជាជន និងសិស្សានុសិស្សដោយឥតគិតថ្លៃ នៅឃុំដងកាំបិត ស្រុកសណ្ដាន់ ខេត្តកំពង់ធំ ។
ឧត្តមសេនីយ៍ទោ សោម ស៊ុន បានណែ នាំដល់អាជ្ញាធរដែនដី និងក្រុមអ្នកបេីកបរសាឡាង ត្រូវថែរក្សាបច្ចេកទេសឱ្យបានល្អ ដេីម្បីបានប្រេីប្រាស់បានយូរអង្វែង ។ ជាមួយនោះដែរ ត្រូវយកចិត្តទុកដាក់ ធានាឱ្យបានសុវត្ថិភាពដល់អ្នកធ្វើដំណើរឆ្លងកាត់ឱ្យមានសុវត្ថិភាព ។
នៅក្នុងឱកាសនោះដែរ ឧត្ដមសេនីយ៍ទោ សោម ស៊ុន ប្រធានក្រុមការងាររបស់រាជរដ្ឋាភិបាលចុះមូលដ្ឋានឃុំ ប្រជាពលរដ្ឋនិងសិស្សានុសិស្ស នៅឃុំដងកាំបិត ស្រុកសណ្តាន់ ខេត្តកំពង់ធំបានសូមគោរពថ្លែងអំណរគុណដ៍ជ្រាលជ្រៅជាទីបំផុត ចំពោះសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវ ព្រមទាំងឯកឧត្ដម នួន ផារ័ត្ន អភិបាលខេត្តកំពង់ធំ និងលោកជំទាវ ព្រមទាំងក្រុមគ្រួសារ ដែលបានផ្ដល់សាឡាងថ្មីមួយគ្រឿងនេះ ដែលបានបង្ករលក្ខណ:ងាយស្រួលសម្រាប់ការដឹកជញ្ជូនសិស្សានុសិស្ស និងប្រជាពលរដ្ឋនៅឃុំដងកាំបិត ស្រុកសណ្តាន់ បានឆាប់រហ័ស និងមានសុវត្ថិភាព ដោយកន្លងទៅ ការឆ្លងកាត់ដងស្ទឹងសែននៅទីនេះ ត្រូវប្រេីទូក ឬកាណូតតូចៗមិនមានសុវត្ថិភាព និងសូមគោរពជូនពរ សម្តេច ឯកឧត្តម លោកជំទាវ សូមទទួលបាននូវពុទ្ធពរទាំងបួនប្រការកុំបីឃ្លៀងឃ្លាតឡើយ៕
ដោយ៖ ស៊ុម វណ្ណា
