AKP ភ្នំពេញ ថ្ងៃទី០៧ ខែកក្តដា ឆ្នាំ២០២៦---

ឯកឧត្តម ឡេង ប៉េងឡុង អគ្គលេខាធិកា ររដ្ឋសភា បានអនុញ្ញាតឱ្យ ឯកឧត្ដម ង្វៀន មិញវូ (NGUYEN Minh Vu) ឯកអគ្គរដ្ឋទូតវិសាមញ្ញ និងពេញសម ត្ថភាពថ្មី នៃសាធារណរដ្ឋសង្គមនិយមវៀតណាម ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ នារសៀលថ្ងៃទី៧ ខែកក្កដា ឆ្នាំ២០២៦ នៅវិមានរដ្ឋសភា ក្នុងឱកាសដែលឯកឧត្ដមត្រូវបានតែងតាំងជាឯកអគ្គរដ្ឋទូតថ្មីប្រចាំកម្ពុជា។

ក្នុងជំនួបនេះ ក៏មានការចូលរួមពី ឯកឧត្តមបណ្ឌិត កែវ ពិសិដ្ឋ អគ្គលេខាធិការរងប្រចាំការរដ្ឋសភា និងជានាយកខុទ្ទកាល័យសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ព្រមទាំងមន្ត្រីជាន់ខ្ពស់នៃអគ្គលេខាធិការដ្ឋានរដ្ឋសភាជាច្រើនរូបទៀត។

ក្នុងឱកាសនោះ ឯកឧត្តម ឡេង ប៉េងឡុង បានសម្តែងការស្វាគមន៍យ៉ាងកក់ក្តៅចំពោះឯកឧត្តម ង្វៀន មិញវូ ដែលត្រូវបានរដ្ឋាភិបាលនៃសាធារណរដ្ឋសង្គមនិយមវៀតណាម ផ្តល់ទំនុកចិត្តតែងតាំងជាឯកអគ្គរដ្ឋទូតប្រចាំព្រះរាជាណាចក្រកម្ពុជា។

ឯកឧត្តមបានបង្ហាញក្តីសង្ឃឹមថា ក្នុងអាណត្តិការទូតរបស់ឯកឧត្តមឯកអគ្គរដ្ឋទូតថ្មីនេះ ទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសទាំងពីរ ជាពិសេសរវាងស្ថាប័ននីតិប្បញ្ញត្តិ នឹងត្រូវបានបន្តពង្រឹង និងពង្រីកឱ្យកាន់តែស៊ីជម្រៅ និងមានប្រសិទ្ធភាពថែមទៀត។

ក្នុងបរិយាកាសស្និទ្ធស្នាល និងយោគយ ល់គ្នាទៅវិញទៅមកនេះ ភាគីទាំងពីរបានផ្លាស់ប្តូរយោបល់គ្នាយ៉ាងទូលំទូ លាយ ដោយផ្តោតលើការបន្តពង្រឹងកិច្ចសហប្រតិបត្តិការ ទំនាក់ទំនងមិត្តភាពជាប្រពៃណី និងសាមគ្គីភាពលើគ្រប់វិស័យ ដើម្បីបម្រើផលប្រយោជន៍រួមរបស់ប្រជាជាតិ និងប្រជាជននៃប្រទេសទាំងពីរ កម្ពុជា–វៀតណាម។

ជាទីបញ្ចប់ ភាគីទាំងពីរបានបញ្ជាក់ឡើងវិញនូវការប្តេជ្ញាចិត្ត ក្នុងការបន្តថែរក្សា និងលើកកម្ពស់ទំនាក់ទំនងទ្វេភាគីឱ្យកាន់តែរឹងមាំ និងមានប្រសិទ្ធ ភាពបន្ថែមទៀត ស្របតាមស្មារតីអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការគ្រប់ជ្រុងជ្រោយ និងភាពជាដៃគូដែលមានស្ថិរភាពយូរអង្វែ ង៕

ដោយ៖ ប៊ុនរិទ្ធ, ប្រភព៖ រដ្ឋសភា