AKPកំពង់ធំ ថ្ងៃទី០៥ ខែកក្កដា ឆ្នាំ២០២៦ -- ឯកឧត្តម ឈា ប៊ុនរិទ្ធ ប្រធានក្រុមការងា រគណបក្សចុះមូលដ្ឋានឃុំម្សាក្រងតំណាងឯកឧត្តម ថោ ជេដ្ឋា អនុប្រធានក្រុមការងារគណបក្សចុះមូលដ្ឋានខេត្ត កំពង់ធំនិងជាប្រធានក្រុមការងារគណ បក្សចុះមូលដ្ឋានស្រុកស្ទោងអញ្ជើញដឹកនាំកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ២០២៧ នៅទីស្នាក់ការគណបក្សឃុំម្សាក្រង ស្រុកស្ទោង ខេត្តកំពង់ធំនាថ្ងៃទី០៥ ខែកក្កដាឆ្នាំ២០២៦។

កិច្ចប្រជុំនេះមានការប្រកាសសមាសភា ពក្រុមការងារគណបក្សចុះមូលដ្ឋានភូមិទាំង១១ នៃឃុំម្សាក្រង ព្រមទាំងបូក សរុបលទ្ធផលការងារប្រចាំឆមាសទី១ ឆ្នាំ២០២៦ និងលើកទិសដៅការងារបន្តរបស់ក្រុមការងារគណបក្សចុះមូលដ្ឋានឃុំម្សាក្រងដោយមានការអញ្ជើញចូលរួមពី ឯកឧត្តម លោកជំទាវ លោក លោកស្រី ជាអនុប្រធាននិងសមាជិកក្រុមការងារ គណៈកម្មាធិការគណបក្សឃុំ សាខាបក្សភូមិ និងក្រុមការងារយុវជនឃុំជាច្រើនរូប។

ឱកាសនោះ ឯកឧត្តមប្រធានក្រុមកា រងារបានពាំនាំនូវប្រសាសន៍ផ្តាំផ្ញើសាកសួរសុខទុក្ខដោយក្តីនឹករលឹកពីសំណាក់ ឯកឧត្តមរដ្ឋមន្ត្រី ថោ ជេដ្ឋា ជូនចំពោះសមាជិកសមាជិកានៃក្រុមការងារទាំងអស់។ ឯកឧត្តមបានសម្តែងនូវការកោតសរ សើរ និងវាយតម្លៃខ្ពស់ចំពោះក្រុមការ ងារចុះមូលដ្ឋានឃុំ ដែលបានប្តេជ្ញាចិត្តចាត់ចែងអនុវត្តប្រកបដោយស្មារតីទទួលខុសត្រូវខ្ពស់ នូវកម្មវិធីនយោ បាយ សេចក្តីសម្រេច និងគោលការណ៍ណែនាំនានារបស់គណបក្ស ប្រជាជនកម្ពុជា ព្រមទាំងបានខិតខំរួមគ្នាធ្វើស កម្មភាពចិញ្ចឹមចលនានយោបាយយ៉ាងសកម្មនៅមូលដ្ឋាននាពេលកន្លងមក។

ឯកឧត្តមប្រធានក្រុមការងារ បានជម្រាបជូនអង្គប្រជុំថា យោងតាមកិច្ចប្រជុំបូកសរុបលទ្ធផលការងារឆមាសទី១ ឆ្នាំ២០២៦ និងលើកទិសដៅការងារបន្ត របស់ក្រុមការងារគណបក្សចុះមូលដ្ឋានខេត្តកំពង់ធំកាលពីថ្ងៃទី០៤ ខែកក្កដា ឆ្នាំ២០២៦កន្លងទៅនេះឯកឧត្តម វង្សី វិស្សុត សមាជិកគណៈអចិន្ត្រៃយ៍នៃគណៈកម្មាធិការកណ្ដាលនិងជាប្រធានក្រុមការងារគណបក្សចុះមូលដ្ឋានខេត្តកំពង់ធំបានផ្តល់ការណែនាំដល់ក្រុមការងារគ្រប់លំដាប់ថ្នាក់ ត្រូវយកចិត្តទុកដាក់ខ្ពស់ក្នុងការចាត់តាំងអនុវត្តឱ្យមានប្រសិទ្ធ ភាពនូវផែនការសកម្មភាពសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ២០២៧ ដោយមិនត្រូវមើលស្រាលសភាព ការណ៍នោះទេ ព្រោះយើងកំពុងស្ថិតក្នុងបរិការណ៍ដែលខុសពីបរិការណ៍នៃការបោះឆ្នោតលើកមុនៗ ដោយសារការផ្លាស់ប្តូរជារចនាសម្ព័ន្ធរបស់អ្នកបោះឆ្នោតនិងបញ្ហាប្រឈមធំៗដែលបានជួបប្រទះជាបន្តបន្ទាប់ និងមិនធ្លាប់មានពីមុនមក ដូចជា បញ្ហាទំនាស់ព្រំដែន ការប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យា (Online Scams) និងបញ្ហាសេដ្ឋកិច្ច ក៏ដូចជាជីវភាព រស់នៅរបស់ប្រជាជន ដែលអាចជះឥទ្ធិពលដល់ការបោះឆ្នោត។

ទន្ទឹមនឹងនេះឯកឧត្តមប្រធានក្រុមការ ងារ ក៏បានអំពាវនាវដល់សមាជិកសមាជិកាបក្សទាំងអស់ត្រូវរួមគ្នាគាំទ្រការអនុវត្តកម្មវិធីនយោបាយរបស់គណបក្ស ដើម្បីដណ្តើមជ័យជម្នះជូនគណបក្សសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ​២០២៧ ក៏ដូចជាការបោះឆ្នោតជ្រើសតាំងតំណាងរាស្ត្រ ឆ្នាំ២០២៨ នាពេលខាងមុខ។ត្រូវបន្តយកចិត្តទុកដាក់ខ្ពស់ក្នុងការចុះជិតដិតជាប់ជាមួយប្រជាពលរដ្ឋនៅតាមមូលដ្ឋាន ដើម្បីក្តាប់ឱ្យបាននូវរាល់សុខទុក្ខ ក្ដីកង្វល់ សំណើ និងសំណូមពរនានា សំដៅឈានទៅរកការដោះស្រាយជូនបងប្អូនប្រជាពលរដ្ឋឱ្យបានទាន់ពេលវេលា និងមានប្រសិទ្ធភាពខ្ពស់បំផុត៕

ដោយ៖ ស៊ុម វណ្ណា