AKPកំពង់ចាមថ្ងៃទី ០២ខែ កក្កដាឆ្នាំ២០២៦--ដើម្បីការពារនៅធនធានជលផលនិងការមច្ចាជាតិ ដោយរដូវនេះជារដូវបិទនេសាទ ហើយក៏ជារដូវពងញាស់កូនរបស់ពពួកមច្ឆាជាតិគ្រប់ប្រភេទ និងអនុវត្តតាមចរាចរណ៍ណែនាំ និងបទ បញ្ជាដ៏ម៉ឺងម៉ាត់របស់ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈបញ្ជាការឯកភាពខេត្ត  ឱ្យកម្លាំងជំនាញ នៃខណ្ឌរដ្ឋបាលជលផលកំពង់ចាម ត្រូវតែបង្កើនការយកចិត្តទុកដាក់ឲ្យខ្លាំងដោយបានសហការជាមួយអាជ្ញាធរ កម្លាំងមានសមត្ថកិច្ចនៅបណ្តា ស្រុក ឃុំ ចុះ ធ្វើប្រតិបត្តិការល្បាត និងត្រួតពិនិត្យទប់ស្កាត់ និងបង្ក្រាប រាល់បទបទល្មើសជលក្នុង ដែនភូមិសាស្ត្រ របស់ខេត្តកំពង់ចាម ក្នុងស្មា រតីទទួលខុសត្រូវខ្ពស់បំផុត។

ជាក់ស្តែងនៅថ្ងៃទី ០២ខែ កក្តាដា  ឆ្នាំ ២០២៦ កម្លាំងជំនាញរបស់ខណ្ឌរដ្ឋបាលជលផលកំពង់ចាម  សហការជាមួយអធិការដ្ឋានរដ្ឋបាលជលផលមេគង្គ អាជ្ញាធរស្រុក  កំពង់សៀមនិងស្រុក កងមាស និង ក្រុមសហគមន៍នេសាទ ដោយមានការសម្របសម្រួលពីឯកឧត្តម ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផល  បានចំនួន០៣ ករណី ពីរករណីក្នុងស្រុកកំពង់សៀមនិង១ករណី ក្នុងស្រុកកងមាសដោយរុះរើ និងបំផ្លាញចោលនូវឧបករណ៍ខុសច្បាប់ នៅនឹងកន្លែងបាន រួមាន ឧបករណ៍លូស្បៃមុងចំនួន១៨មាត់  របាំងស្បៃមុងប្រវែង ៤២០ម៉ែត្រ  បង្គោលចំនួន ៣៥០ដើម  និងបានចាក់លែងកូនត្រីចម្រុះមួយចំនួនផងដែរ។

 ដើម្បីធានាបាននូវកំណើនមច្ឆាជាតិនៅតាមបឹងធម្មជាតិ ក្នុងដែននេសាទរបស់កម្លាំងជំនាញរបស់ខណ្ឌរដ្ឋបាលជលផលកំពង់ចាម  តែងសហការជាមួយអាជ្ញាធរមូលដ្ឋាន គ្រប់លំដាប់ថ្នាក់ ក្នុងចុះត្រួតពិនិត្យ និងបង្ក្រាបបទ ល្មើសក្នុងភូមិសាស្ត្រ ដងទន្លេ តាមបឹង  តាមដងព្រែក នៅតាមបណ្តាលស្រុក ដែលជាដែននេសាទបស់ខេត្តកំពង់ចាម ដោយបានជំរុញដល់អាជ្ញាធរនៅតាមមូលដ្ឋាន ជួយធ្វើការអប់រំ និងផ្សព្វផ្សាយ ដល់បងប្អូនប្រើប្រជាពលរដ្ឋនៅ តាមមូលដ្ឋាននិងប្រជាសហគមន៍នេសាទ ចូររួមគ្នាទប់ស្កាត់បទល្មើសនេសាទគ្រប់ប្រភេទ ទាំងអស់គ្នា ហើយមិនត្រូវប្រើប្រាស់ឧបករណ៍ល្មើសច្បាប់ ដែលបានត្រូវហាមឃាត់ដើម្បីចូលរួមថែរក្សាកំណើនមច្ឆាជាតិ ក្នុងបឹងធម្មជាតិ ទើបយើងធានាបាននូវសន្តិសុខស្បៀងក្នុងជីវភាពរស់នៅរបស់បងប្អូន៕

ដោយ ៖ឆាយ ម៉ុត