AKP ភ្នំពេញ ថ្ងៃទី៣០ ខែមិថុនា ឆ្នាំ២០២៦--កិច្ចសន្ទនាគោលនយោបាយស្តីពី ការស្រាវជ្រាវនវានុវត្តន៍ដែលដឹកនាំដោយកសិករ ដើម្បីជំរុញការផ្លាស់ប្តូរប្រកបដោយចីរភាពនៃកសិអេកូឡូស៊ី កសិកម្មវៃឆ្លាតធន់នឹងអាកាសធាតុ និងប្រព័ន្ធស្បៀងអាហារ បានបង្ហាញពីភស្តុតាង និងមេរៀនដែលទទួលបានពីការស្រាវជ្រាវដែលដឹកនាំដោយកសិករ។

ប្រភពពីអង្គការ World Vision បានឱ្យដឹងនៅថ្ងៃទី២៩ ខែមិថុនា ឆ្នាំ២០២៦ថា កិច្ចពិភាក្សានេះបានបង្កើតជាវេទិកាសម្រាប់កសិករ ជាពិសេសស្ត្រី យុវជន និងជនជាតិដើមភាគតិច ក្នុងការចែករំលែកដោយផ្ទាល់នូវការបង្កើតថ្មី បញ្ហាប្រឈម និងអនុសាសន៍របស់ពួកគេ ដាក់ជូនអ្នករៀបចំគោលនយោបាយ និងភាគីអភិវឌ្ឍន៍នានា។ ទាំងអស់គ្នាដើម្បីប្រព័ន្ធស្បៀងអាហារប្រកបដោយចរីភាព ភាពធន់ និងបរិយាបន្ននៅកម្ពុជា។

កម្មវិធីនេះបានសហការរៀបចំដោយសមាគមខាំបូដ្រា និងអង្គការសកម្មភាពដើម្បីអភិវឌ្ឍន៍ អង្គការទស្សនៈពិភពលោកអន្តរជាតិ ប្រចាំនៅកម្ពុជា បណ្តាញ ALiSEA អង្គការសកម្មភាពដើម្បីអភិវឌ្ឍន៍ និង Uni4Coop ដោយមានការគាំទ្រពីមូលនិធិកសិអេកូឡូស៊ី និងដៃគូនានា៕

ដោយ ណយ នឿន (ប្រភព៖ World Vision)