AKPកំពង់ធំថ្ងៃទី២៩ខែមិថុនា ឆ្នាំ២០២៩--លោក សាយ គឹមឡមអភិបាលស្រុកស្ទោងបានលើកទឹកចិត្តដល់អាជ្ញាធរមូលដ្ឋានឱ្យយកចិត្តទុកដាក់ខ្ពស់លើជីវភាពរស់នៅរបស់បងប្អូនជនមានពិការភាពនិងគ្រួសារងាយរងហានិភ័យក្នុងគោលបំណងលើកកម្ពស់សុខុមា លភាព និងសមធម៌សង្គម។

លោកអភិបាលស្រុកបានលើកទឹកចិត្តយ៉ាងខ្លាំងក្លាដូចនេះដល់អាជ្ញាធរមូល ដ្ឋានគ្រប់លំដាប់ថ្នាក់ ឱ្យបន្តយកចិត្តទុកដាក់ខ្ពស់ និងដោះស្រាយរាល់ការលំបាកចំពោះជីវភាពរស់នៅរបស់បងប្អូនជនមានពិការភាព ព្រមទាំងគ្រួសារងាយរងហានិភ័យក្នុងសហគមន៍នៅភូមិក្រសាំងឃុំទ្រាស្រុកស្ទោងខេត្តកំពង់ធំនាងព្រឹកថ្ងៃទី២៩ខែមិថុនាឆ្នាំ២០២៦។

លោក អភិបាលស្រុកបានគូសបញ្ជាក់ថា បងប្អូនជនមានពិការភាពនិងគ្រួសារងាយរងហានិភ័យ គឺជាក្រុម ដែលត្រូវការការជួយគាំទ្រ និងការគិតគូរជាប្រចាំទាំងផ្នែកស្មារតី សេវា និងជីវភាពប្រចាំថ្ងៃ។ អាជ្ញាធរមូលដ្ឋានគឺជាអ្នកដែលនៅកៀកកិតជិតស្និទ្ធជាមួយប្រជាពលរដ្ឋបំផុត ដូច្នេះត្រូវតែ ចុះពិនិត្យនិងវាយតម្លៃផ្ទាល់ក្តាប់ឱ្យបានច្បាស់លាស់ពីចំនួន និងស្ថានភាពជាក់ស្តែងរបស់គ្រួសារនីមួយៗ ដើម្បីផ្តល់ជំនួយបានទាន់ពេលវេលាសម្រ បសម្រួលសេវាគាំពារសង្គមហើយធានាថាបងប្អូនទទួលបានរបបគោលនយោ បាយនិងប័ណ្ណសមធម៌នានាពីរាជរដ្ឋា ភិបាលដោយតម្លាភាព ជាពិសេសត្រូវបង្កើនការលើកទឹកចិត្ត លុបបំបាត់ការរើសអើងនិងផ្តល់ឱកាសស្មើៗគ្នាក្នុងសហគមន៍។

លោកអភិបាលស្រុកសង្កត់ធ្ងន់ថា"ការចូល រួមចំណែកជួយសង្គ្រោះ និងលើកកម្ពស់ជីវភាពបងប្អូនជនពិការនិងគ្រួសារងាយរងគ្រោះ មិនត្រឹមតែជាតួនាទីស្នូលរបស់អាជ្ញាធរប៉ុណ្ណោះទេ ប៉ុន្តែវាក៏ជាសកម្មភាពមនុស្សធម៌ដ៏ឧត្តុង្គឧត្តម ដែលមិនអាចខ្វះបានឡើយ"។
សូមបញ្ជាក់ថាបងប្អូនជនពិការនិងគ្រួសាររងហានិភ័យចំនួន៥គ្រួសារ ក្នុង១គ្រួសារទទួលបានអង្ករ១បេ មីកេសនិងគ្រឿងឧបភោគបរិភោគមួយចំនួនដោយឡែកលោកស្រី លន់ យីមដែលមានពិការភាពទទួលបានថវិកាបន្ថែមចំនួន១០ម៉ឺនរៀលនិងទទួលបាននូវអង្ករចំនួន១បេក្នុងមួយខែពីលោកអភិបាលស្រុកស្ទោង៕

ដោយ៖ ស៊ុម វណ្ណា