AKP ភ្នំពេញ ថ្ងៃទី២៦ ខែមិថុនា ឆ្នាំ២០២៦--ក្រសួងកសិកម្ម រុក្ខាប្រមាញ់ និងនេសាទ និង  លេខាធិការដ្ឋានក្រុមការងារអន្តរក្រសួង បានដាក់ដំណើរការសាកល្បងនៃសេវាសា ធារណៈរបស់អគ្គនាយកដ្ឋាន ក្សេត្រសាស្ត្រនៃក្រសួងកសិកម្ម រុក្ខាប្រមាញ់ និងនេសាទ ដែលគេអាចធ្វើការស្នើសុំបាននៅលើ “ប្រព័ន្ធស្នើ សុំវិញ្ញាបនបត្រ លិខិតអនុញ្ញាត ឬអាជ្ញាបណ្ណ” ក្នុងវិស័យកសិកម្ម។

ចំពោះ សេវារបស់អគ្គនាយកដ្ឋានក្សេត្រ- សាស្ត្រ ដែលសាធារណជន និងធុរជន អាចធ្វើការស្នើសុំបាន រួមមាន ៖ 

១). វិញ្ញាបនបត្របញ្ជាក់បញ្ជិកាជីកសិកម្ម

២). វិញ្ញាបនបត្របញ្ជាក់ការចុះបញ្ជីឃ្លាំងសន្និធិជីកសិកម្ម

៣). លិខិតអនុញ្ញាតផ្គត់ផ្គង់ចែក-ចាយជីកសិកម្ម

៤). លិខិតអនុញ្ញាតប្រតិបត្តិការលាយផ្សំ ឬ វេចខ្ចប់ជាថ្មីជីកសិកម្ម

៥). វិញ្ញាបនបត្របញ្ជាក់បញ្ជិកាថ្នាំកសិកម្ម

៦). វិញ្ញាបនបត្របញ្ជាក់ការចុះបញ្ជីឃ្លាំងសន្និធិថ្នាំកសិកម្ម

៧). លិខិតអនុញ្ញាតផ្គត់ផ្គង់ចែកចាយថ្នាំកសិកម្ម និង

៨). លិខិតអនុញ្ញាតប្រតិបត្តិការលាយផ្សំ ឬ វេចខ្ចប់ជាថ្មីថ្នាំកសិកម្ម ដែលអាចស្នើសុំបានតាមរយៈអាសយដ្ឋាន maff.gov.kh ឬ services.maff.gov.kh 

គួរបញ្ជាក់ថា កន្លងមកនេះ ក្រសួងកសិកម្ម រុក្ខាប្រមាញ់ និងនេសាទ បានប្រកាសដាក់ឱ្យ ប្រើប្រាស់ជាផ្លូវការនូវ “សេវាស្នើសុំបង្កើតកសិដ្ឋានចិញ្ចឹមសត្វ ឬបង្កាត់ពូជសត្វ (ខ្នាតមធ្យម និងខ្នាតធំ)” របស់អគ្គនាយកដ្ឋានសុខភាពសត្វ និងផលិតកម្មសត្វ រួចមកហើយ ដោយគិតមកទល់បច្ចុប្បន្ន កសិដ្ឋាន ចំនួន ៥៣ ត្រូវបានអនុម័តឱ្យបើកដំណើរការ។ ក្រៅពីសេវាទាំង ៩ ខាងលើ ក្រសួងបានកំពុងដំណើរការ នូវសេវាចំនួន ២៦ សេវាផ្សេងទៀតនៅលើប្រព័ន្ធបញ្ជរតែមួយជាតិ (National Single Window) ដែលមាន តំណភ្ជាប់ www.nsw.gov.kh៕

ដោយ៖​ មករា