AKP ភ្នំពេញ ថ្ងៃទី២៥ ខែមិថុនា ឆ្នាំ២០២៦ -- យោងតាមទិន្នន័យឧស្សាហកម្មចុងក្រោយបំផុត បានឱ្យដឹងថា ហេដ្ឋារចនាសម្ព័ន្ធសាកថ្មរថយន្តអគ្គិសនីរបស់ប្រទេសចិនបានកើនឡើងដល់ ២២,៤៩លានគ្រឿងនៅត្រឹមចុងខែឧសភា ដោយកើនឡើង ៤៤,៩% ពីមួយឆ្នាំមុន។

ទិន្នន័យពីរដ្ឋបាលថាមពលជាតិ បានបង្ហាញថា កន្លែងសាកថ្មសាធារណៈមានចំនួន ៤,៩៥លានគ្រឿង ដែលតំណាងឱ្យកំណើន ២៥,៩%ពីមួយឆ្នាំទៅមួយឆ្នាំ។

ទន្ទឹមនឹងនេះ វិស័យឯកជនបានឃើញនូវការទទួលយកកាន់តែលឿនដែលជំរុញដោយការអភិវឌ្ឍយ៉ាងឆាប់រហ័សនៃការដំឡើងម៉ាស៊ីនសាកថ្មនៅផ្ទះ។ ចំនួនអង្គភាពសាកថ្មរថយន្តអគ្គិសនីឯកជនបានកើនឡើងដល់១៧,៥៥លានគ្រឿង ដែលកើនឡើង ៥១,៤% បើប្រៀបធៀបទៅនឹងឆ្នាំមុន។

យោងតាមទិន្នន័យ បានបង្ហាញថា អត្រាកំណើនប្រចាំឆ្នាំសម្រាប់កន្លែងសាកថ្មឯកជនមានលើសពី ៥០% ជាប់លាប់ពេញមួយឆ្នាំនេះ។ លើសពីនេះ សមត្ថភាពថាមពលដែលបានចុះបញ្ជីសម្រាប់ការដំឡើងសាកថ្មឯកជនបានឈានដល់ ១៥១លានគីឡូវ៉ុល-អំពែរ៕

ដោយ៖ យា ចិន្ដាខន្ដី (ប្រភព៖ ឆាយណាដេលី)