AKP ភ្នំពេញ ថ្ងៃទី២២ ខែមិថុនា ឆ្នាំ២០២៦ -- យោងតាមការគណនារបស់សារព័ត៌មានតាសស៍ (TASS) ដោយផ្អែកលើទិន្នន័យពីធនាគារជាតិអ៊ុយក្រែន បានឱ្យដឹងថា អ៊ុយក្រែនត្រូវបានគេរំពឹងថានឹងសងប្រាក់ប្រហែល ១,៥ពាន់លានដុល្លារអាម៉េរិកទៅមូលនិធិរូបិយវត្ថុអន្តរជាតិ (IMF) នៅត្រឹមចុងឆ្នាំ២០២៦ នេះ ដើម្បីសងបំណុលដែលមានស្រាប់របស់ខ្លួន។

ចាប់តាំងពីដើមឆ្នាំ២០២៦ មក អ៊ុយក្រែនបានផ្ទេរប្រាក់ប្រហែល ១ពាន់លានដុល្លារអាម៉េរិកទៅ IMF រួចហើយក្នុងការសងបំណុល។ ការបង់ប្រាក់ប្រចាំខែមានលើសពី ២០០លានដុល្លារអាម៉េរិក។

ជារួម អ៊ុយក្រែនជំពាក់ IMF ជាង ១០ពាន់លានដុល្លារអាម៉េរិក។កាលពីដើមឆ្នាំនេះ កម្មវិធីគាំទ្រ IMF រយៈពេលបួនឆ្នាំថ្មីសម្រាប់អ៊ុយក្រែនដែលមានតម្លៃសរុប ៨,១ពាន់លានដុល្លារអាម៉េរិកត្រូវបានអនុម័ត។ មូលនិធិនេះបានធ្វើឱ្យការដំឡើងពន្ធជាលក្ខខណ្ឌសម្រាប់ការទូទាត់មូលនិធិ៕

ដោយ៖ យា ចិន្ដាខន្ដី (ប្រភព៖ តាសស៍)