AKP ភ្នំពេញ ថ្ងៃទី២២ ខែមិថុនា ឆ្នាំ២០២៦ -- ប្រធានបទដំបូងនៃកិច្ចពិភាក្សារវាងគណៈប្រតិភូអ៊ីរ៉ង់ និងសហរដ្ឋអាមេរិក នៅទីក្រុងបឺហ្គែនស្តុករបស់ប្រទេសស្វីស គឺជាបញ្ហានៃបទឈប់បាញ់នៅលីបង់។ នេះបើយោងតាមការរាយការណ៍របស់សារព័ត៌មាន Financial Times ដែលបានដកស្រង់ពីប្រភពរបស់ខ្លួន។

យោងតាមអ្នកការទូតម្នាក់ដែលមិនបញ្ចេញឈ្មោះ បាននិយាយថា អ្នកសម្របសម្រួលនឹងពិភាក្សាជាមុនសិនអំពីយន្តការសម្រាប់តាមដានការរំលោភបំពាន និងការរក្សាសន្តិភាពនៅលីបង់។ បន្ទាប់មក ពួកគេនឹងពិភាក្សាអំពីស្ថានភាពនៃច្រកសមុទ្រហ័រមុស និងកម្មវិធីនុយក្លេអ៊ែររបស់ទីក្រុងតេអេរ៉ង់។ សារព័ត៌មាននេះបានសង្កត់ធ្ងន់ថា កម្មវិធីនុយក្លេអ៊ែរនឹងត្រូវពិភាក្សាក្នុងរយៈពេលជាច្រើនសប្តាហ៍។

ការពិគ្រោះយោបល់បច្ចេកទេសរវាងសហរដ្ឋអាមេរិក និងអ៊ីរ៉ង់ ត្រូវបានធ្វើឡើងនៅទីក្រុងបឺហ្គែនស្តុកកាលពីថ្ងៃទី២១ ខែមិថុនា។ តំណាងមកពីប្រទេសប៉ាគីស្ថាន និងកាតាក៏ចូលរួមដែរ។

អនុប្រធានាធិបតីសហរដ្ឋអាមេរិក លោក ជេឌី វែនស៍ ពីមុនបានថ្លែងថាកម្មវិធីនុយក្លេអ៊ែររបស់អ៊ីរ៉ង់ និងបទឈប់បាញ់នៅលីបង់ នឹងស្ថិតក្នុងចំណោមប្រធានបទសំខាន់ៗនៅក្នុងកិច្ចពិភាក្សា៕

ដោយ៖ យា ចិន្ដាខន្ដី (ប្រភព៖ តាសស៍)