AkPបន្ទាយមានជ័យ ថ្ងៃទី២០ខែមិថុនាឆ្នាំ២០២៦---

យុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលកម្ពុជា មិនមែនត្រឹមតែជាគោលនយោបាយនៅលើក្រដាសនោះទេ ប៉ុន្តែវាត្រូវបាននាំយកមកបង្ហាញ និងបកស្រាយយ៉ាងស៊ីជ ម្រៅជូនដល់ប្រជាពលរដ្ឋនៅស្រុកដាច់ស្រយាល ក្នុងគោលបំណងផ្សារភ្ជាប់រវាងចក្ខុវិស័យជាតិ និងតម្រូវការជាក់ស្តែងរបស់សហគមន៍។

ជាក់ស្តែង នៅរសៀលថ្ងៃទី១៩ ខែមិថុនា ឆ្នាំ២០២៦ ក្រុមការងាររាជរដ្ឋាភិបាលចុះមូលដ្ឋានស្រុកថ្មពួក បានរៀបចំវេទិ កាសាធារណៈមួយយ៉ាងកុះករនៅឃុំគោករមៀត ស្រុកថ្មពួក ខេត្តបន្ទាយ មានជ័យ ក្នុងគោលបំណងស្តាប់កង្វល់ពលរដ្ឋ និងជំរុញការអនុវត្តគោលនយោ បាយជាតិ។

វេទិកានេះត្រូវបានរៀបចំឡើងក្រោមអធិបតីភាពរបស់លោក ម៉ាន់ វុធអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកថ្មពួក និងជាអនុប្រធានក្រុមការងារចុះមូលដ្ឋានឃុំគោករមៀតលោក យង់ យឺន ប្រធានក្រុមប្រឹក្សាស្រុកថ្មពួកលោក រ័ត្ន ដាស៊ីណង់ អភិបាលស្រុកថ្មពួក និងជាអនុ ប្រធានអចិន្ត្រៃយ៍ក្រុមការងារចុះមូល ដ្ឋានស្រុកថ្មពួក។

នៅក្នុងឱកាសនោះលោក ម៉ាន់ វុធ បានធ្វើការផ្សព្វផ្សាយយ៉ាងលម្អិតអំពី «យុទ្ធសាស្ត្របញ្ចកោណ-ដំណាក់កាលទី១» និងគោលនយោបាយសំខាន់ៗរបស់រាជរដ្ឋាភិបាល ជូនដល់បងប្អូនប្រជាពលរដ្ឋ។

លោក ម៉ាន់ វុធលោក បានគូសបញ្ជាក់ថា យុទ្ធសាស្ត្របញ្ចកោណ គឺផ្តោតលើ មនុស្ស ផ្លូវ ទឹក ភ្លើង និងបច្ចេកវិទ្យា ដែលជាគន្លឹះក្នុងការលើកកម្ពស់ជីវភា ពរស់នៅរបស់ប្រជាជន និងជំរុញសេដ្ឋកិច្ចជាតិ។ ការនាំយករបៀបវារៈនេះមកពន្យល់ដល់មូលដ្ឋាន គឺដើម្បីឲ្យពលរដ្ឋបានយល់ច្បាស់ពីទិសដៅអភិវឌ្ឍន៍របស់ប្រទេសជាតិ និងចូលរួមសហការជាមួយអាជ្ញាធរឲ្យកាន់តែមានប្រសិទ្ធភាព។

របៀបវារៈដ៏ក្តៅគគុក និងសំខាន់បំផុតនៅក្នុងវេទិកានេះ គឺការផ្តល់ឱកាសយ៉ាងទូលំទូលាយជូនប្រជាពលរដ្ឋចូលរួមសម្តែងមតិ លើកឡើងអំពីបញ្ហាកង្វល់ ប្រឈម និងសំណូមពរនានាដោយផ្ទាល់មាត់។ ប្រជាពលរដ្ឋឃុំគោករមៀត បានលើកឡើងពីតម្រូវការចាំបាច់ចំពោះមុខ រួមមានការអភិវឌ្ឍហេដ្ឋារចនាសម្ព័ន្ធផ្លូវថ្នល់ ដើម្បីងាយស្រួលធ្វើដំណើរនិងដឹកជញ្ជូន។ប្រព័ន្ធធារាសាស្ត្រ និងទឹកស្អាត សម្រាប់ប្រើប្រាស់ក្នុងជីវភាពប្រចាំថ្ងៃ និងការបង្កបង្កើនផល។បច្ចេកទេសកសិកម្មទំនើប និងទីផ្សារកសិផល ដើម្បីធានាថាការដាំដុះទទួលបានទិន្នផលខ្ពស់ និងលក់បានតម្លៃសមរម្យ។

«យើងមកទីនេះ គឺដើម្បីស្តាប់ការពិត ស្តាប់បញ្ហា និងតម្រូវការជាក់ស្តែងរបស់បងប្អូន មិនមែនមកដើម្បីធ្វើការសន្យាចោលនោះទេ»  នេះជាការលើកឡើងប្រកបដោយការប្តេជ្ញាចិត្ត ពីថ្នាក់ដឹកនាំក្រុមការងារ។

ជាការឆ្លើយតបទៅនឹងក្តីកង្វល់ទាំងនេះ លោក ម៉ាន់ វុធ, លោក យង់ យឺន, និងលោក រ័ត្ន ដាស៊ីណង់ បានធ្វើការបកស្រាយ ពន្យល់ និងដោះស្រាយចំពោះមុខទៅលើសំណូមពរមួយចំនួនដែលអាចធ្វើទៅបានភ្លាមៗ។ ចំណែកឯសំណូមពរធំៗដែលពាក់ព័ន្ធនឹងបច្ចេកទេស និងថវិកាច្រើន ដូចជាប្រព័ន្ធធារាសាស្ត្រខ្នាតធំ និងការស្វែងរកទីផ្សារកសិផលថ្នាក់ជាតិ ក្រុមការងារបានកត់ត្រា និងប្រមូលចងក្រងជាប្រព័ន្ធ ដើម្បីយកទៅពិនិត្យ ពិភាក្សា និងស្វែងរកដំណោះស្រាយជាជំហានៗជាមួយក្រសួង-ស្ថាប័នពាក់ព័ន្ធ។

វេទិកាសាធារណៈនេះ បានបញ្ចប់ទៅក្រោមបរិយាកាសស្និទ្ធស្នាល និងទទួលបានការអបអរសាទរយ៉ាងខ្លាំងពីសំណាក់ប្រជាពលរដ្ឋ ដោយពួកគាត់សម្តែងនូវភាពកក់ក្តៅ និងជឿជាក់លើការដឹកនាំរបស់ក្រុមការងាររាជរដ្ឋា ភិបាល ដែលតែងតែយកចិត្តទុកដាក់ និងនៅកៀកជាប់ជាមួយសុខទុក្ខរបស់ប្រជាជននៅគ្រប់កាលៈទេសៈ៕

ដោយ ៖ឈុនសារ៉ាត