AKP ភ្នំពេញ ថ្ងៃទី១៧ ខែមិថុនា ឆ្នាំ២០២៦–ឯកឧត្តម ឧត្តមសេនីយ៍ទោ លី សូរ៉ារិទ្ធ មេបញ្ជាការ​យោធភូមិភាគទី១​បានអញ្ជើញជាអធិបតី ក្នុង​ពិធីបើកវគ្គហ្វឹកហ្វឺនបំប៉ននាយទាហានរង ថ្នាក់ពួក ក្រុមថ្មើរជើងជំនាន់ទី៣ នៅសាលា​ពលទាហានទី១ យោធភូមិភាគទី១ នាថ្ងៃទី ១៦ ខែ មិថុនា ឆ្នាំ២០២៦។. វគ្គហ្វឹកហ្វឺន មានរយៈពេលសិក្សា៣១ ថ្ងៃ ចាប់ពីថៃ្ងទី១៦ ខែមិថុនា ឆ្នាំ២០២៦ ដល់ថ្ងៃទី១៦ ខែកក្កដា ឆ្នាំ២០២៦។

មានមតិសំណេះសំណាលក្នុងឱកាសនោះ ឯកឧត្តម ឧត្តមសេនីយ៍ទោ លី សូរ៉ារិទ្ធ មេបញ្ជាការ​យោធភូមិភាគទី១​បានផ្តាំផ្ញើ​ដល់សិក្ខាកាមទាំង​អស់ថា៖ .កងទ័ពត្រូវ​មានទស្សនៈស្មោះត្រង់ដាច់ខាត ចំពោះជាតិ សាសនា ព្រះមហាក្សត្រ ហ៊ានធ្វើពលិកម្ម​គ្រប់បែបយ៉ាងដើម្បីបុព្វហេតុជាតិ។ ជឿជាក់លើការដឹកនាំ​របស់​រាជរដ្ឋា​ភិបាល ក្រោមការដឹកនាំដ៏​ឈ្លាសវៃ​​របស់​សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី​នៃព្រះ​រាជា​ណាចក្រកម្ពុជា ។

.ត្រូវខិតខំគោរពវិន័យ និង បទបញ្ជារបស់សាលាឲ្យបានម៉ឺងម៉ាត់ ។
.យកចិត្តទុកដាក់ខិតខំរៀនសូត្រ ស្តាប់គ្រូឧទ្ទេសនាមទាំងនៅក្នុងថ្នាក់ និងនៅលើទី​លាន​ហ្វឹក​ហាត់។
.ពង្រឹងសាមគ្គីភាពរវាងមិត្តរួមអាវុធ ចេះជួយយកអាសារគ្នា រស់នៅជាលក្ខណៈសមូហភាព
.ត្រូវគោរពច្បាប់របស់រដ្ឋ ជៀសវាងការប្រព្រឹត្តអំពើដែលខុសនឹងច្បាប់ ជាពិសេស​ត្រូវជៀសវាងដាច់​ខាត​ចំពោះ​បញ្ហាគ្រឿងញៀន ។
.យកចិត្តទុកដាក់ ថែរក្សាអាវុធយុទ្ធភ័ណ្ឌ សំភារៈសឹកដែលបានបំពាក់ និង ទ្រព្យសម្បត្តិ​របស់អង្គភាព ឲ្យបានគង់វង់ ។
​. យក​ចិត្តទុក​ដាក់​បង្កបង្កើនផល និង ចិញ្ចឹមសត្វ ដើម្បីដោះស្រាយជីវភាពរស់នៅ ឲ្យកាន់​តែប្រសើឡើងថែមទៀត ។
.យក​ចិត្តទុក​ដាក់ ថែទាំសុខភាពជាប្រចាំ ដើម្បីធានាបានកម្លាំងប្រយុទ្ធ សំរេចតាមផែនការ​ដែលថ្នាក់លើ ប្រគល់ឲ្យ ។

ដោយ៖ សំ សាម៉ន ‘ប្រភព៖ កងទ័ពជើងគោកនៃកងយោធពលខេមរ:ភូមិន្ទ