AKP ភ្នំពេញ ថ្ងៃទី១១ ខែមិថុនា ឆ្នាំ២០២៦ -- វិស័យយានយន្តថាមពលថ្មី(NEV) របស់ប្រទេសចិនបានជួបប្រទះនឹងកំណើនគួរឱ្យកត់សម្គាល់នៅក្នុងខែឧសភា ដោយទិន្នផលកើនឡើង ២២,៤% ពីមួយឆ្នាំទៅមួយឆ្នាំ ឈានដល់ចំនួន ១,៥៥៤លានគ្រឿង និងការលក់កើនឡើង ១៤,៤% ឈានដល់១,៤៩៦លានគ្រឿង។ NEVs មានចំនួន ៥៦,៩% នៃការលក់រថយន្តថ្មីទាំងអស់សម្រាប់ខែឧសភា។ ការកើនឡើងនេះផ្ទុយស្រឡះពីការលក់រថយន្តប្រេងឥន្ធនៈដែលមានការធ្លាក់ចុះ ដែលជាការផ្លាស់ប្តូរដែលជំរុញដោយតម្លៃប្រេងខ្ពស់ និងនវានុវត្តន៍យ៉ាងឆាប់រហ័សដោយក្រុមហ៊ុនផលិតរថយន្តក្នុងស្រុក ដើម្បីបំពេញតម្រូវការអ្នកប្រើប្រាស់ចម្រុះ។

ផ្ទុយពីទីផ្សារ NEV ដែលកំពុងរីកចម្រើន ទិន្នផល និងការលក់រថយន្តសរុបបានឃើញការធ្លាក់ចុះបន្តិចបន្តួចពីមួយឆ្នាំទៅមួយឆ្នាំនៅក្នុងខែឧសភាបើទោះបីជាពួកគេបានបង្ហាញពីភាពប្រសើរឡើងជារៀងរាល់ខែក៏ដោយ។ដោយក្រឡេកមើលរយៈពេលប្រាំខែដំបូងនៃឆ្នាំនេះ ទិន្នផល និងការលក់រថយន្តសរុបបានឈានដល់ជាង ១២,២លានគ្រឿង ដោយទិន្នផល និងការលក់ NEV មានចំនួនជិតពាក់កណ្តាលនៃបរិមាណ។

ការនាំចេញយានយន្តក៏បានកើនឡើងយ៉ាងខ្លាំងផងដែរ ដោយការនាំចេញនៅក្នុងខែឧសភាបានកើនឡើង ៦៨,៧% ពីមួយឆ្នាំទៅមួយឆ្នាំឈានដល់ចំនួន ៩៣០.០០០គ្រឿង ខណៈដែលការនាំចេញរថយន្ត NEV បានកើនឡើងជាងទ្វេដង ដល់ចំនួន ៤៤៦.០០០គ្រឿង។ អ្នកជំនាញក្នុងឧស្សាហកម្មនេះបានសន្មតថា ការអនុវត្តនៅក្រៅប្រទេសដ៏រឹងមាំនេះ គឺដោយសារតែខ្សែសង្វាក់ផ្គត់ផ្គង់ដែលមានប្រសិទ្ធភាពខ្ពស់របស់ប្រទេសចិនឥទ្ធិពលមាត្រដ្ឋានដ៏រឹងមាំ និងលក្ខណៈពិសេសឆ្លាតវៃកម្រិតខ្ពស់ ដូចជាការបើកបរដោយស្វ័យប្រវត្តិ និងកាប៊ីនអន្តរកម្ម ដែលបន្តជំរុញការប្រកួតប្រជែងជាសកល៕

ដោយ៖ យា ចិន្ដាខន្ដី (ប្រភព៖ ឆាយណាដេលី)