AKP ព្រះសីហនុ ថ្ងៃទី0៤ ខែមិថុនា ឆ្នាំ២០២៦--ការិយាល័យគ្រឿងយន្តកសិកម្ម និងការិយា ល័យក្សេត្រសាស្ត្រ និងផលិតភាពកសិកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ ដែលបានចុះស្រង់ទិន្នន័យការបង្កបង្កើនផលដំណាំ ស្រូវរដូវវស្សាគិតត្រឹមថ្ងៃទី៣ ខែមិថុនា ឆ្នាំ២០២៦ នៅទូទាំងខេត្តព្រះសីហនុបានបង្ហាញថា ការងារភ្ជួររាស់អនុវត្តបានចំនួន ១៤៦ហិកតា បូកយោងបានចំនួន ៤ ៤៥៦ហិកតា ស្មើ នឹង ៣៣.៥០ភាគរយ និងព្រួស អនុវត្តបានចំនួន ១៧៩ហិកតា បូកយោងបានចំនួន ៤ ៣៤៤ហិកតា ស្មើនឹង ៣៣.៦៦ភាគរយ នៃផែនការសរុប ១៣ ៣០០ហិកតា ក្នុងនោះ៖
‎ ១.ស្រុកព្រៃនប់ ភ្ជួររាស់អនុវត្តបានចំនួន ៩៨ហិកតា បូកយោងបានចំនួន ៣ ៦៦៧ហិកតា ស្មើនឹង ៤១.៨៨ភាគរយ និងព្រោះស្រូវអនុវត្តបានចំនួន ៩៧ហិកតា បូកយោងបានចំនួន ៣ ៥៨២ហិកតា ស្មើនឹង ៤០.៩១ភាគរយ នៃផែនការសរុប ៨ ៧៥៥ហិកតា។

‎២.ស្រុកកំពង់សីលា ភ្ជួររាស់អនុវត្តបានចំនួន ០ហិកតា បូកយោងបានចំនួន ៣៥ហិកតា ស្មើនឹង ១.៩៩ភាគរយ និងព្រោះ ស្រូវអនុវត្តបានចំនួន ០ហិក តា បូកយោងបានចំនួន ២៩ហិកតា ស្មើនឹង ១.៦៥ភាគរយ នៃផែនការសរុប ១ ៧៦០ហិកតា។
‎៣.ក្រុងកំពង់សោម ភ្ជួររាស់អនុវត្តបានចំនួន ៤៨ហិកតា បូកយោងបានចំនួន ៧៥៤ហិកតា ស្មើនឹង ២៧.០៧ភាគរយ និងព្រោះ អនុវត្តបានចំនួន ៨២ហិកតា បូកយោងបានចំនួន ៧៣៣ហិកតា ស្មើនឹង ២៦.៣២ភាគរយ នៃផែនការសរុប ២ ៧៨៥ហិកតា។

សូមរម្លឹកផងដែរថា ខេត្តព្រះសីហនុ មានក្រុងចំនួន ៣ និងស្រុកចំនួន៣ ចំពោះក្រុង ស្រុកចំនួន៣ មានផ្ទៃដីបង្កបង្កើនផលស្រូវវស្សា ដោយឡែកក្រុង ស្រុកចំនួន៣ផ្សេងទៀត មិនមានផ្ទៃដីបង្កបង្កើនផលស្រូវនោះទេ ព្រោះផ្ទៃដីជាតំបន់ខ្ពស់ និងភ្នំ ដោយឡែកខេត្តព្រះសីហនុ ក៏មិនមានផ្ទៃដីសម្រាប់ធ្វើស្រូវប្រាំងនោះដែរ ដោយសារតែខ្វះប្រភពទឹកបូមស្រោចស្រពនៅរដូវប្រាំង ៕

ដោយ ងូ សុមុនី