AKP កំពង់ស្ពឺ ថ្ងៃទី២៧ ខែឧសភា ឆ្នាំ២០២៦--ឯកឧត្តមនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធ ហត្ថលើផ្ទៃប្រទេសបានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបញ្ចុះបឋមសិលាបើកការដ្ឋានសាងសង់អគារបញ្ជាការដ្ឋានកងរាជអាវុធហត្ថខេត្តកំពង់ស្ពឺ ក្នុងស្រុកសំរោងទង ខេត្តកំពង់ស្ពឺ នឹងក្រោមវត្តមានអញ្ជើញចូលរួមពីឯកឧត្តម លោកជំទាវ ថ្នាក់ដឹក នាំខេត្តគ្រប់លំដាប់ថ្នាក់ចូលរួមយ៉ាង ច្រើនកុះករ។

ឯកឧត្តមនាយឧត្តមសេនីយ៍ សៅ សុខា បានសម្តែងនូវការអបអសាទរយ៉ាងក្រៃលេងចំពោះខេត្តកំពង់ស្ពឺ និងបញ្ជាការរដ្ឋានកងរាជខេត្ត ក្នុងឱកាសបើកការដ្ឋា នសាងសង់អគារបញ្ជាការដ្ឋានកងរាជ អាវុធហត្ថខេត្តកំពង់ស្ពឺថ្មីជាផ្លូវការនាថ្ងៃនេះ និងសូមកោតសរសើរ វាយតម្លៃខ្ពស់ចំពោះថ្នាក់ដឹកនាំ មន្ត្រី នាយទាហា ន នាយទាហានរង និងពលអាវុធហត្ថខេត្តកំពង់ស្ពឺ ចំពោះការលះបង់ ការខិតខំប្រឹងប្រែង និងការបំពេញភារកិច្ចប្រកបដោយស្មារតីទទួលខុសត្រូវខ្ពស់ ក្នុងការបម្រើជាតិ មាតុភូមិ និងប្រជាព លរដ្ឋកន្លងមក ការកសាង និងអភិវឌ្ឍហេដ្ឋារចនាសម្ព័ន្ធនានាក្នុងបរិវេណទីបញ្ជាការដ្ឋានកងរាជអាវុធហត្ថខេត្ត។

សមិទ្ធផលទាំងនេះបានឆ្លុះបញ្ចាំងពីស្មារតីម្ចាស់ការ ការរួបរួមសាមគ្គី និងការយកចិត្តទុកដាក់ក្នុងការលើកកម្ពស់សមត្ថភាពការងារ និងលក្ខខណ្ឌបំពេញ ភារកិច្ចរបស់កងកម្លាំងឱ្យកាន់តែមានប្រសិទ្ធភាព។

ជាមួយគ្នានេះ ឯកឧត្តមនាយឧត្តម សេនីយ៍ បានណែនាំ និងសង្កត់ធ្ងន់ដល់កងកម្លាំងកងរាជអាវុធហត្ថគ្រប់លំដាប់ ថ្នាក់ ឱ្យបន្តគោរពវិន័យកងទ័ពឱ្យបានម៉ឺងម៉ាត់ ប្រកាន់ខ្ជាប់នូវក្រមសីលធម៌វិជ្ជាជីវៈ និងអនុវត្តតួនាទីភារកិច្ចរបស់ខ្លួនឱ្យបានត្រឹមត្រូវ ស្របតាមច្បាប់ និងបទបញ្ជាជាធរមាន។ ទន្ទឹមនឹងនេះ ត្រូវបង្កើនការបង្ការ ទប់ស្កាត់ និងបង្ក្រាបបទល្មើសគ្រប់ប្រភេទ ជាពិសេសបទល្មើស បច្ចេកវិទ្យា និងការឆបោកតាមប្រព័ន្ធអនឡាញ ដែលកំពុងបង្កផលប៉ះពាល់ដល់សង្គម និងប្រជាពលរដ្ឋ។

ឯកឧត្តមនាយឧត្តមសេនីយ៍ ក៏បានជំរុញឱ្យកងកម្លាំងទាំងអស់បន្តពង្រឹងសាមគ្គីភាពផ្ទៃក្នុង រក្សាសន្តិសុខ សណ្តាប់ធ្នាប់សាធារណៈ និងការពារសុវត្ថិភាពសង្គមឱ្យបានរឹងមាំ ដើម្បីរួមចំណែកថែរក្សាសុខសន្តិភាព និងការអភិវឌ្ឍប្រទេសជាតិឱ្យកាន់តែរីកចម្រើ ន។

ឯកឧត្តមនាយឧត្តមសេនីយ៍បានបន្ថែមទៀតថាព្រឹត្តិការណ៍ដ៏មានសារៈសំខាន់នេះដែរ បានបង្ហាញអំពីការយកចិត្តទុកដាក់របស់ថ្នាក់ដឹកនាំកងរាជអាវុធ ហត្ថលើផ្ទៃប្រទេស ក្នុងការពង្រឹងសមត្ថភាព ស្ថាប័ន និងហេដ្ឋារចនា សម្ព័ន្ធរបស់កងកម្លាំង ដើម្បីធានាបាននូវការបំពេញបេសកកម្មការពារសន្តិសុ ខ សណ្តាប់ធ្នាប់សង្គម និងបម្រើប្រជាព លរដ្ឋប្រកបដោយប្រសិទ្ធភាព និងទំនួលខុសត្រូវ។

គូសបញ្ជាក់ផងដែរថាយោងតាមរបាយកា រណ៍លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺបានឱ្យដឹងថាការសាងសង់បញ្ជាការដ្ឋានកងរាជអាវុធហត្ថខេត្តកំពង់ស្ពឺថ្មីនេះជារួម គ្រោងចំណាយថវិកាសរុបប្រមាណ 4លានដុល្លារ សហរដ្ឋអាមេរិកផងដែរ៕

ដោយ៖ ម៉ែន ប៊ុនធីម