AKP ភ្នំពេញ ថ្ងៃទី២៧ ខែឧសភា ឆ្នាំ២០២៦ -- រដ្ឋមន្ត្រីការបរទេសរុស្ស៊ីលោក ស៊ែរហ្គេយ ឡាវរ៉ូវ បាននិយាយកាលពីពេលថ្មីៗនេះថា រុស្ស៊ីគាំទ្រយ៉ាងពេញទំហឹងចំពោះការពង្រីកតំណាងរបស់ទ្វីបអាស៊ី អាហ្វ្រិក និងតំបន់អាមេរិកឡាទីននៅក្នុងក្រុមប្រឹក្សាសន្តិសុខអង្គការសហប្រជាជាតិ។

លោក ឡាវរ៉ូវ បាននិយាយនៅក្នុងពិធីទទួលភ្ញៀវមួយដើម្បីប្រារព្ធទិវាអាហ្វ្រិកថា «ថ្ងៃនេះ រុស្ស៊ីគាំទ្រយ៉ាងពេញទំហឹងចំពោះការភ្ញាក់រឭកលើកទីពីររបស់ទ្វីបអាហ្វ្រិក។ យើងគាំទ្រដល់គោលជំហរគាំទ្រចំពោះការពង្រីកតំណាងរបស់ទ្វីបអាស៊ី អាហ្វ្រិក និងតំបន់អាមេរិកឡាទីននៅក្នុងក្រុមប្រឹក្សាសន្តិសុខអង្គការសហប្រជាជាតិដែលត្រូវបានកែទម្រង់»។

រដ្ឋមន្ត្រីរូបនេះបាននិយាយថា រុស្ស៊ីតែងតែតស៊ូមតិសម្រាប់ការពិចារណាដោយគ្មានលក្ខខណ្ឌនៃផលប្រយោជន៍របស់ទ្វីបអាហ្វ្រិកនៅក្នុងបរិបទនៃកិច្ចពិភាក្សាជាបន្តបន្ទាប់ទៅលើកំណែទម្រង់អង្គការសហប្រជាជាតិ និងក្រុមប្រឹក្សាសន្តិសុខ៕

ដោយ៖ យា ចិន្ដាខន្ដី (ប្រភព៖ ស្ពុតនីក)