AKP ភ្នំពេញ ថ្ងៃទី២៥ ខែឧសភា ឆ្នាំ២០២៦--ឯកអគ្គរាជទូតកម្ពុជសប្រចាំនៅសាធារណរដ្ឋកូរ៉េបានអរគុណដល់ក្រសួងយុត្តិធម៌កូរ៉េដែលបានគាំពារ និងលើកកម្ពស់សុខុមាលភាព សុវត្ថិភាព សិទ្ធិ និងជីវភាពរស់នៅរបស់ប្រជា ពលរដ្ឋ និងពលករកម្ពុជា ដែលកំពុងរស់នៅ សិក្សា និងបម្រើការងារនៅសាធារណរដ្ឋកូរ៉េ។

ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានអញ្ជើញចូលរួមកម្មវិធី «ទិវាមនុស្សជាតិពិភពលោក លើកទី១៩» ក្រោមប្រធានបទ “A Korea Broadened by Inclusion, Growing Together Through Diversity” ដែលរៀបចំដោយក្រសួងយុត្តិធម៍កូរ៉េ​ ក្រោមអធិបតីភាពរបស់​ ឯកឧត្តម Jung Sung-ho រដ្ឋមន្ត្រីក្រសួងយុត្តិធម៌​ និងមានការចូលរួមពីសំណាក់ថ្នាក់ដឹកនាំជាន់ខ្ពស់ និងតំណាងស្ថាប័នពាក់ព័ន្ធជាច្រើន រួមមានស្នងការនៃសេវាអន្តោ ប្រវេសន៍កូរ៉េ អង្គទូតនានា តំណាងរដ្ឋបាលក្រុងសេអ៊ូល មជ្ឈមណ្ឌលគាំពារពលករបរទេស ព្រមទាំងអាជ្ញាធរ និងដៃគូពាក់ព័ន្ធកាលពីពេលថ្មីៗមកនេះ។

ក្នុងឱកាសនោះ ឯកឧត្តមឯកអគ្គរាជទូត បានសម្តែងនូវការកោតសរសើរ និងអំណរគុណយ៉ាងជ្រាលជ្រៅចំពោះក្រសួងយុត្តិធម៌កូរ៉េ​ សេវាអន្តោប្រវេសន៍កូរ៉េ និងមជ្ឈមណ្ឌលគាំពារពលករបរទេស ដែលបានសហការរៀបចំកម្មវិធីដ៏មានអត្ថន័យនេះឡើង ដើម្បីលើកក ម្ពស់តម្លៃមនុស្សធម៌ ការរួបរួម និងភាពសុខដុមរមនាក្នុងសង្គមពហុវប្បធម៌។

ឯកឧត្តមក៏បានថ្លែងអំណរគុណជាពិសេ សចំពោះការយកចិត្តទុកដាក់ និងកិច្ចសហប្រតិបត្តិការយ៉ាងជិតស្និទ្ធរបស់អាជ្ញាធរកូរ៉េ ជាពិសេសក្រសួងយុត្តិធម៍កូរ៉េ​ សេវាអន្តោប្រវេសន៍កូរ៉េ​ ក្នុងការគាំពារ និងលើកកម្ពស់សុខុមាលភាព សុវត្ថិភាព សិទ្ធិ និងជីវភាពរស់នៅរបស់ប្រជាពលរដ្ឋ និងពលករកម្ពុជា ដែលកំពុងរស់នៅ សិក្សា និងបម្រើការងារនៅសាធារណរដ្ឋកូរ៉េ ស្របតាមចំណងមិ ត្តភាព និងកិច្ចសហប្រតិបត្តិការល្អរវាងប្រទេសទាំងពីរ៕

ដោយ៖ ប៊ុនរិទ្ធ