AKP ភ្នំពេញ ថ្ងៃទី១៨ ខែឧសភា ឆ្នាំ២០២៦ -- ក្រសួងកសិកម្ម និងសន្តិសុខស្បៀងអាហារម៉ាឡេស៊ី (MAFS) បានប្រកាសកាលពីពេលថ្មីៗនេះថា ខ្លួននឹងរឹតបន្តឹងការគ្រប់គ្រងការនាំចូលួទៅលើប្រភេទអាហារសមុទ្រជាច្រើនប្រភេទពីប្រទេសថៃ។

ក្រសួង MAFS អនុវត្តតម្រូវការសម្រាប់វិញ្ញាបនបត្រវិភាគ (CoA) សម្រាប់ប្រភេទត្រីស៊ីអាកាប (siakap)។

ការរឹតបន្តឹងជាបណ្តោះអាសន្ននេះពាក់ព័ន្ធនឹងប្រភេទបង្គាខ្លាពណ៌ត្នោត បង្គាចេក បង្គាជើងស បង្គាខ្លាយក្ស និងបង្គាខៀវ។

ក្រសួងបាននិយាយថា ការរឹតបន្តឹងទៅលើប្រភេទបង្គាទាំងនេះនឹងនៅតែមានសុពលភាពរហូតដល់អាជ្ញាធរថៃដាក់ស្នើចម្លើយផ្លូវការពេញលេញចំពោះសំណួរដែលដាក់ចេញដោយប្រទេសម៉ាឡេស៊ី ហើយត្រូវទទួលរងការវាយតម្លៃបន្ថែមទៀតដោយអាជ្ញាធរម៉ាឡេស៊ីដោយផ្អែកលើការឆ្លើយតប។

ក្រសួងបានបន្ថែមថា វិធានការនេះមានគោលបំណងពង្រឹងការគ្រប់គ្រងសុវត្ថិភាពចំណីអាហារជាតិ ជាពិសេសដើម្បីធានាថា ត្រីស៊ីអាកាប និងបង្គាដែលចូលទៅក្នុងទីផ្សារក្នុងស្រុកគោរពតាមស្តង់ដារសុវត្ថិភាពនិងគុណភាពដែលត្រូវបានបង្កើតឡើង។

ក្រសួង​បាន​និយាយ​ថា វិធានការ​ត្រួតពិនិត្យ​ការ​នាំចូល​នឹង​ត្រូវ​បាន​អនុវត្ត​ក្នុង​លក្ខណៈ​រួម​គ្នា​តាមរយៈ​កិច្ច​សហប្រតិបត្តិការ​ជាមួយ​កម្មវិធី​សុវត្ថិភាព និង​គុណភាព​ចំណីអាហារ​ក្រោម​ក្រសួង​សុខាភិបាល នាយកដ្ឋាន​សេវា​ចត្តាឡីស័ក និង​ត្រួតពិនិត្យ​ម៉ាឡេស៊ី (MAQIS) និង​ទីភ្នាក់ងារ​ត្រួតពិនិត្យ និង​ការពារ​ព្រំដែន​ម៉ាឡេស៊ី (MCBA) នៅ​គ្រប់​ច្រកចូល​ទាំងអស់​ទូទាំងប្រទេស៕

ដោយ៖ យា ចិន្ដាខន្ដី (ប្រភព៖ VNA)