AKPបន្ទាយមានជ័យថ្ងៃទី១៥ខែឧសភាឆ្នាំ២០២៦--ក្នុងស្មារតីយកចិត្តទុកដាក់ខ្ពស់លើសុខ ទុក្ខ និងជីវភាពរស់នៅរបស់បងប្អូនអតីតជនភៀសសឹក នារសៀលថ្ងៃទី១៤ ខែឧសភា ឆ្នាំ២០២៦ យុទ្ធនាការលើក កម្ពស់ជីវភាពតាមរយៈការដាំដុះ និងការថែរក្សាបរិស្ថាន ត្រូវបានរៀបចំឡើងយ៉ាងផុសផុល ស្ថិតនៅភូមិស្លក្រាម ឃុំស្លក្រាម ស្រុកស្វាយចេកខេត្តបន្ទាយ មានជ័យ។

ពិធីនេះបានប្រព្រឹត្តទៅក្រោមអធិបតី ភាព លោក ឃ្លោក នួយ អភិបាលរង ខេត្ត តំណាងដ៏ខ្ពង់ខ្ពស់ ឯកឧត្តម អ៊ុំ រាត្រីអភិបាលនៃគណៈអភិបាលខេត្តបន្ទាយមានជ័យ និង ឯកឧត្តម ឃួង ដាវិត អនុប្រធានគណៈកម្មាធិការគណប ក្ស អ.រ.ស និងជាប្រធានយុវជនគណ បក្ស នៃអគ្គលេខាធិការដ្ឋានរដ្ឋសភា ដោយមានការអមដំណើរពីសំណាក់អភិបាលរងស្រុក និងអាជ្ញាធរមូលដ្ឋានពាក់ព័ន្ធជាច្រើនរូប។

ក្នុងឱកាសនោះ ថ្នាក់ដឹកនាំបានសង្កត់ ធ្ងន់ថា ការចែកជូនកូនឈើហូបផ្លែ និងគ្រាប់ពូជបន្លែនៅពេលនេះ មិនមែនគ្រាន់តែជាការផ្តល់ជំនួយបណ្តោះអា សន្ននោះទេ ប៉ុន្តែវាគឺជាការបង្កើត «សេដ្ឋកិច្ចគ្រួសារប្រកបដោយចីរភាព»។ លោកអភិបាលរងខេត្ត និងឯកឧត្តមប្រធានយុវជនរដ្ឋសភា បានផ្តល់ការប្រឹក្សាយោបល់យ៉ាងជិតស្និទ្ធជាមួយបងប្អូនជនភៀសសឹក ដែលជាជនពិការ ដើម្បីស្វែងយល់ពីបញ្ហាប្រឈម និងលើកទឹកចិត្តឱ្យពួកគាត់ប្រែក្លាយដីទំនេរជុំវិញផ្ទះ ឱ្យទៅជាប្រភពចំណូល និងជាអាហារបម្រុងសម្រាប់គ្រួសារ។

សម្រាប់បងប្អូនជនភៀសសឹកដែលជាជនពិការចំនួន ២០៣ គ្រួសារ ក្នុងមួយគ្រួសារៗទទួលបាននូវកញ្ចប់ «សួនដំណាំចម្រុះ» ដែលរួមមានកូនឈើហូបផ្លែ និងឈើប្រើប្រាស់ ដើមស្វាយ (២ដើម), ដើមល្ហុង (២ដើម), ដើមក្រូចឆ្មា (២ដើម), ដើមម្កាក់ (២ដើម), ដើមល្មុត (១ដើម), ដើមត្របែក (១ដើម), ដើមជម្ពូរ (១ដើម), ដើមមៀន (១ដើម), ដើមចេក (១ដើម), ដើមត្រឡឹងតឹង (១ដើម), ដើមម្ដិញ (១ដើម) និងដើមស្ដៅ (១ដើម)។ដំណាំរួមផ្សំ និងគ្រឿងទេស ដើមម្ទេស (២ដើម), ដើមត្រប់ (២ដើម), ស្លឹកគ្រៃ (០.៥០គី ឡូក្រាម)។គ្រាប់ពូជបន្លែគ្រប់មុខគ្រាប់ ល្ពៅ, ត្រកួន, ត្រប់, ម្ទេស និងគ្រាប់ជី។

ការឧបត្ថម្ភបន្ថែម ក្រៅពីកូនឈើ និងគ្រាប់ពូជ គ្រួសារនីមួយៗក៏ទទួលបានថវិកាមួយចំនួន ដើម្បីសម្រាលបន្ទុកជីវភាពប្រចាំថ្ងៃផងដែរ។

ឯកឧត្តម ឃួង ដាវិត បានលើកឡើងថា ការដាំដើមឈើមិនត្រឹមតែជួយដល់សេដ្ឋកិច្ចប៉ុណ្ណោះទេ ប៉ុន្តែវាជួយបង្កើតគម្របបៃតង បង្កើតបរិយាកាសរស់នៅឱ្យមានផាសុកភាព និងកាត់បន្ថយកម្ដៅ ដែលជាកត្តាចាំបាច់សម្រាប់សុខភាពបងប្អូនជនពិការ និងមនុស្សចាស់។

ជាមួយគ្នានោះដែរ លោក ឃ្លោក នួយ ក៏បានក្រើនរំលឹកដល់អាជ្ញាធរមូលដ្ឋាន ត្រូវបន្តតាមដាន និងជួយបច្ចេកទេសដាំដុះដល់បងប្អូន ដើម្បីធានាថា កូន

ឈើដែលចែកជូននៅថ្ងៃនេះ នឹងដុះលូតលាស់ ក្លាយជាផល្លានុផលសម្រាប់ផ្គត់ផ្គង់ដល់ផ្ទះបាយ និងអាចឈានទៅរកការលក់ដូរនៅលើទីផ្សារនាពេលខាង មុខ។

សកម្មភាពនេះ បានបង្ហាញយ៉ាងច្បាស់ពីសាមគ្គីភាព និងការមិនបោះបង់ចោលគ្នារបស់រាជរដ្ឋាភិបាល ក៏ដូចជាសប្បុរ សជន ចំពោះបងប្អូនដែលបានឆ្លងកាត់ការលំបាកក្នុងសម័យសង្គ្រាម និងជនដែលមានពិការភាព ឱ្យមានជីវភាពសមរម្យ និងមានសេចក្តីថ្លៃថ្នូរក្នុងសង្គម ៕

ដោយ៖ឈុនសារ៉ាត