AKP បន្ទាយមានជ័យ ថ្ងៃទី៣០ ខែមេសា ឆ្នាំ២០២៦--រដ្ឋបាលស្រុកព្រះនេត្រព្រះ បានដាក់ចេញនូវវិធានការ ដោយតម្រូវឱ្យមន្ត្រីរាជការ និងកងកម្លាំងសមត្ថកិច្ចគ្រប់លំដាប់ថ្នាក់ បង្កើនប្រសិទ្ធភាពការងារទ្វេដង ទាំងលើការផ្តល់សេវារដ្ឋបាល និងការធានាសុវត្ថិភាពសង្គម ដើម្បីឆ្លើយតបទៅនឹងសន្ទុះនៃការអភិវ ឌ្ឍនិងតម្រូវការចាំបាច់របស់ប្រជាពល រដ្ឋក្នុងមូលដ្ឋាន។     
ក្នុងកិច្ចប្រជុំសាមញ្ញលើកទី២៣ អាណ ត្តិទី៤ របស់ក្រុមប្រឹក្សាស្រុកព្រះនេត្រព្រះ នាព្រឹកថ្ងៃទី៣០ ខែមេសា ឆ្នាំ ២០២៦ នេះ លោក កែវ ប៊ុនយឿន ប្រធានក្រុមប្រឹក្សាស្រុក និង លោក ហឿន វីរៈ អភិបាលនៃគណៈអភិបាល ស្រុក បានសង្កត់ធ្ងន់លើចំណុចគន្លឹះសំខាន់ៗដែលជាឆ្អឹងខ្នងនៃរដ្ឋបាលថ្នាក់ ក្រោមជាតិ។    
ថ្នាក់ដឹកនាំស្រុកបានណែនាំឱ្យមន្ត្រីនៅតាមការិយាល័យជំនាញ និងរដ្ឋបាលឃុំទាំងអស់ ត្រូវលុបបំបាត់ភាពយឺតយ៉ាវ និងភាពមិនច្បាស់លាស់ក្នុងការផ្តល់សេវាជូនពលរដ្ឋ។ល្បឿន និងតម្លា ភាព រាល់ឯកសារពាក់ព័ន្ធនឹងជីវភាពពលរដ្ឋ ត្រូវធ្វើឱ្យបានរហ័ស និងត្រឹមត្រូវតាម ច្បាប់។ក្រមសីលធម៌ មន្ត្រីត្រូវមានអាកប្បកិរិយាទន់ភ្លន់ ប៉ុន្តែម៉ឺង ម៉ាត់ក្នុងការងារ ដើម្បីក្លាយជាបង្អែកដ៏កក់ក្តៅរបស់ប្រជាជន។
    
ដើម្បីធានាបាននូវការរស់នៅដោយសុខសាន្ត លោកអភិបាលស្រុក ហឿន វីរៈ បានបញ្ជាឱ្យកងកម្លាំងប្រដាប់អាវុធគ្រប់ប្រភេទ បន្តអនុវត្តវិធានការបង្ក្រាបបទល្មើសឱ្យចំគោលដៅ ជាពិសេសគ្រឿងញៀន និងល្បែងស៊ីសង ត្រូវបង្ក្រាបឱ្យខាងតែបាន និងគ្មានការលើក លែង។ក្មេងទំនើងត្រូវមានវិធានការអប់រំ និងច្បាប់ឱ្យតឹងរ៉ឹង ដើម្បីរក្សាសណ្តាប់ធ្នាប់សាធារណៈ។ ក្រៅពីការងាររដ្ឋបាល និងសន្តិសុខ ថ្នាក់ដឹកនាំស្រុកក៏បានដាស់តឿនដល់មន្ត្រីពាក់ព័ន្ធ ត្រូវតាម ដានគុណភាពសំណង់នៃគម្រោងអភិវឌ្ឍន៍នានាឱ្យបានជាប់ជាប្រចាំ។

«មន្ត្រីត្រូវចុះឱ្យដល់ខ្នងផ្ទះពលរដ្ឋ ដើម្បីដឹងសុខទុក្ខ និងដោះស្រាយសំណូមពរបានទាន់ពេល មិនមែនអង្គុយរង់ចាំតែក្នុងការិយាល័យនោះទេ»។ នេះជាប្រសាសន៍បន្ថែមរបស់លោក កែវ ប៊ុនយឿនប្រធានក្រុមប្រឹក្សាស្រុក។     
សូមបញ្ជាក់ថា កិច្ចប្រជុំនេះមិនត្រឹមតែជាការត្រួតពិនិត្យលទ្ធផលការងារប្រចាំខែប៉ុណ្ណោះទេ ប៉ុន្តែជាការកំណត់ទិសដៅយុទ្ធសាស្ត្រថ្មីមួយ ដើម្បីប្រែក្លាយស្រុកព្រះនេត្រព្រះ ឱ្យទៅជាតំបន់ដែលមានការអភិវឌ្ឍប្រកបដោយបរិយាបន្ន និងមានសុវត្ថិភាពខ្ពស់ ស្របតាមគោលនយោបាយរបស់រាជរដ្ឋាភិបាលក្នុងអាណត្តិទី៧នេះ៕

ដោយ ៖ឈុនសារ៉ាត