AKP តាកែវ ថ្ងៃទី៣០ ខែមេសាឆ្នាំ២០២៦ -- មន្ទីរសុខាភិបាលខេត្តតាកែវ បើកសិក្ខាសាលាឆ្លុះបញ្ចាំងស្ដីពី "ការផ្ដល់បន្ថែមគ្រាប់ថ្នាំវីតាមីនចម្រុះ ដល់ស្ត្រីមានផ្ទៃពោះ" នៅទូទាំងខេត្តតាកែវ។

អញ្ជើញជាអធិបតីក្នុងពិធីនោះដោយ លោកឱសថការី ផាន់ វ៉ាន់ ប្រធានមន្ទីរសុខាភិបាលខេត្តតាកែវ ព្រមទាំងមាន ការអញ្ជើញចូលរួមពីលោក លោកស្រីអនុប្រធានមន្ទីរសុខាភិបាលខេត្តតាកែវ លោក លោកស្រីប្រធាន អនុប្រធានការិយាល័យសុខាភិបាលស្រុកប្រតិបត្តិព្រៃកប្បាស កោះអណ្ដែត និងអង្គរកា លោក លោកស្រីមន្ត្រីកម្មវិធីជាតិអាហារូបត្ថម្ភនៃមជ្ឈមណ្ឌលជាតិគាំពារមាតា និងទារក ឆ្មបដែលបម្រើការងារនៅមន្ទីរពេទ្យបង្អែកនៃស្រុកប្រតិបត្តិទាំង៣  អ្នកសម្របសម្រួលកម្មវិធី MCHខេត្តតាកែវ ព្រមទាំងបុគ្គលិកនៃអង្គការហេឡែនខេលល័រ សរុបទាំងអស់ចំនួន145នាក់។

មានប្រសាសន៍សំណេះសំណាលក្នុងពិធីបើកសិក្ខាសាលាពេលនោះ លោកឱសថការី ផាន់ វ៉ាន់ ប្រធានមន្ទីរសុខា ភិបាលនៃរដ្ឋបាលខេត្តតាកែវ បានថ្លែងនូវអនុសាសន៍ផ្តាំផ្ញើទៅកាន់ក្រុមគ្រូពេ ទ្យ និងអ្នកចូលរួមទាំងអស់ ត្រូវអនុវត្តការងារប្រកបដោយសុវត្ថិភាពទំនុកចិត្ត និងស្របតាមតួនាទីភារកិច្ចរបស់ខ្លួន។ព្រមទាំងបន្តខិតខំពង្រឹងក្រមសីលធម៌វិជ្ជាជីវៈ ក៏ដូចជាការធ្វើបដិសណ្ឋារកិច្ច ក្នុងការបម្រើសេវាថែទាំជូនដល់អ្នកជំងឺ ។ត្រូវរក្សាសុចរិតភាពនិងភាពជឿទុកចិត្តបាន ដោយបង្កើនការយកចិត្តទុកដាក់ខ្ពស់ ទៅលើការបម្រើសេវាជូនប្រជាព លរដ្ឋ។ជាពិសេសបងប្អូនប្រជាពលរដ្ឋដែលប្រើប្រាស់បណ្ណមូលនិធិសមធម៌ និងបណ្ណប.ស.ស. ប្រកបដោយសមធម៌ ។ក្នុងនោះគ្រូពេទ្យនិងអ្នកប្រកបវិជ្ជាជីវៈសុខាភិបាលទាំងអស់ ត្រូវប្រកាន់ខ្ជាប់គុណធម៌ កិត្តិយស និងសេចក្តីថ្លៃថ្នូររបស់ខ្លួន ដែលផ្សារភ្ជាប់ជាមួយក្រម សីលធម៌វិជ្ជាជីវៈ។

លោកឱសថការី ផាន់ វ៉ាន់ បានបន្តថា ការបើកសិក្ខាសាលានៅពេលនេះ គឺលើកកម្ពស់ការបណ្ដុះបណ្តាលចំណេះជំនាញ ពង្រឹងសមត្ថភាពបន្ថែមគ្រប់កម្រិតនិងគ្រប់ជំនាញ។ចំពោះមន្ត្រីសុខាភិបាលដែលជាឆ្មបនិងគ្រូពេទ្យផ្នែកសម្ភព ក្រោយទទួលបានចំណេះ ដឹងពីសិក្ខាសាលានេះទៅ គឺត្រូវជួយគាំទ្រការពិនិត្យ ថែទាំ ព្យាបាលស្ត្រីមានផ្ទៃពោះ ជាអន្តរាគមន៍ចាំបាច់។ហើយត្រូវអនុវត្តបន្តជាប់មិនដាច់ ចាប់ពីពេលមានផ្ទៃពោះ ដល់ពេលសម្រាល និងបន្តរហូតដល់ពេលក្រោយសម្រាល ដើម្បីសុខភាពមាតានិងទារក។

 
 លោកឱសថការី ផាន់ វ៉ាន់ បានបន្ថែមថា ត្រូវពង្រឹងសាមគ្គីភាពផ្ទៃក្នុង វិន័យ ភាពទទួលខុសត្រូវ ក្នុងពេលបំពេញកា រងារ។បន្តពង្រឹងការលើកកម្ពស់គុណ ភាព សុវត្ថិភាពអ្នកជំងឺ និងប្រព័ន្ធបញ្ជូន ប្រព័ន្ធទំនាក់ទំនងផ្សេងៗ។ 

មន្ទីរពេទ្យនិងមណ្ឌលសុខភាព ត្រូវពង្រឹងនិងបន្តប្រើប្រាស់ប្រព័ន្ធប្រមូលទិន្នន័យ តាមរយៈការប្រើប្រាស់បច្ចេកវិ ទ្យាឌីជីថល ដូចជាជំងឺមិនឆ្លងជាដើម។បន្តង្រឹងគុណភាពឱ្យកាន់តែប្រសើរឡើង ទាំងសេវារដ្ឋនិងឯកជន។មូលដ្ឋានសុខាភិបាលទាំងអស់ត្រូវយកចិត្តទុកដាក់លើការថែរក្សាហេដ្ឋារចនាសម្ព័ន្ធ បរិស្ថាននិងអនាម័យ នៅតាមអង្គភាពរបស់ខ្លួន។ត្រូវគ្រប់គ្រងការចែកចាយឱសថនិងវ៉ាក់សាំង រួមទាំងការបំពាក់សម្ភារ-បរិក្ខារពេទ្យ ឱ្យបានសមស្រប។ហើយស្វែងរកបញ្ហាឱ្យឃើញ ដោះ ស្រាយឱ្យចំគោលដៅ និងឱ្យបានទាន់ ពេលវេលា៕

ដោយ៖ អ៊ុច សៀង