AKP កំពង់ឆ្នាំង ថ្ងៃទី៣០ ខែមេសា ឆ្នា២០២៦ -- ឯកឧត្តម ហោ សារុន រដ្ឋលេខាធិការក្រ សួងទេសចរណ៍ បានអញ្ជើញបើកសិក្ខា សាលាស្ដីពី“ ការពង្រឹងសមត្ថភាព ដើម្បីរៀបចំក្រុងកំពង់ឆ្នាំង ជាទីក្រុងទេសចរ ណ៍គា្មនផ្សែងបារី ” កាលពីថ្ងៃទី២៩ ខែមេសា  ឆ្នាំ២០២៦ នៅមន្ទីរទេសចរណ៍ខេត្តកំពង់ឆ្នាំង។

កម្មវិធីនេះដោយមានការអញ្ជើញចូលរួមពីលោក នៃ ចារី អភិបាលរងខេត្តកំពង់ឆ្នាំង លោក សេង សាលី ប្រធានមន្ទីរទេសចរណ៍ខេត្តកំពង់ឆ្នាំង លោក លោកស្រីជា ប្រធាន អនុប្រធានមន្ទីរ អង្គភាពជុំវិញខេត្តនិងព្រមទាំងសិក្ខាមចូលរួមជាច្រើនផងដែរ។

ថ្លែងក្នុងឱកាសនោះឯកឧត្តម ហោ សារុន បានមានប្រសាសន៍ថា ដើម្បីអភិវឌ្ឍទេសចរណ៍បាន ត្រូវលើកកម្ពស់ការអនុវត្តឲ្យបានល្អប្រសើរជាពិសេសការបិទស្លាក ហាមជក់នៅកន្លែងដែលច្បាប់ហាមឃាត់ និងមិនផ្សព្វផ្សាយពាណិជ្ជកម្មផលិតផលថ្នាំជក់ជាដើម នៅតាមបណ្តាមូលដ្ឋានអាជីវកម្មសេវាកម្មទេសចរណ៍នានា។ រដ្ឋបាលថ្នាក់ក្រោមជាតិ ពិសេសមន្ទីរទេសចរណ៍ខេត្ត ត្រូវយកចិត្តទុកដាក់ផ្សព្វផ្សាយវិធានសុវត្ថិភាព ទេសចរណ៍ទាំងអស់នោះ ក្នុងមូលដ្ឋានអាជីវកម្ម សេវាកម្មទេសចរណ៍ត្រូវ អនុវត្តឱ្យបានត្រឹមត្រូវ ក្នុងថ្ងៃឈប់សម្រាកក្ដី ឬកម្មវិធីបុណ្យផ្សេងៗ ដែលនឹងមានភ្ញៀវទេសចរជាតិ អន្តរជាតិធ្វើដំណើរមកលេងកម្សាន្តតាមរមណីយដ្ឋាននានាផងដែរ។

ទន្ទឹមនឹងនេះឯកឧត្តមបានបន្តទៀតថា ការទទួលបានទីក្រុងស្អាត ទេសចរណ៍គ្មានផ្សែងបាវីនេះ នឹងជួយឱ្យខេត្តនីមួយៗ ជាពិសេសខេត្តកំពង់ឆ្នាំង កាន់តែលេចធ្លោ និងមានភ្ញៀវទេសចរបរទេសកាន់តែច្រើនមកលេងកម្សាន្តក្នុងន័យអភិវឌ្ឍន៍វិស័យទេសចរណ៍ គឺការគិតគូរពីស៊ីខភាពសាធារណៈផងដែរ។ 

ឯកឧត្តមរដ្ឋលេខាធិការបានជម្រុញដល់ម្ត្រីពាក់ព័ន្ធទាំងអស់ លើកកម្ពស់ត្រួស ត្រាយផ្លូវ និងត្រៀមលក្ខណៈសម្បត្តិក្នុងការជំរុញទីក្រុងស្អាត ស្រុកទូទាំងខេត្តនិងរមណីយដ្ឋាននានា ឱ្យក្លាយជាតំបន់ទេសចរណ៍គ្មានផ្សែងបារី នៅពេលខាង មុខ ដើម្បីចូលរួមពង្រឹង និងលើកកម្ពស់បរិស្ថានគ្មានផ្សែងបារីក្នុងវិស័យទេសច រណ៍៕

ដោយ៖បៃ ស៊ីថុន