AKP ភ្នំពេញ ថ្ងៃទី២៣ ខែមេសា ឆ្នាំ២០២៦ -- លោក អាមៀ សាអេដ អ៊ីរ៉ាវ៉ានី (Amir Saeid Iravani) តំណាងអចិន្ត្រៃយ៍របស់អ៊ីរ៉ង់ប្រចាំអង្គការសហប្រជាជាតិ បាននិយាយថា កិច្ចចរចាជាមួយសហរដ្ឋអាមេរិកនៅទីក្រុងអ៊ីស្លាម៉ាបាដអាចបន្តឡើងវិញបាន ប្រសិនបើទីក្រុងវ៉ាស៊ីនតោនដកចេញនូវការបិទផ្លូវកងទ័ពជើងទឹករបស់ខ្លួនលើសាធារណរដ្ឋអ៊ីស្លាម។

លោក អាមៀ សាអេដ អ៊ីរ៉ាវ៉ានី តំណាងអចិន្ត្រៃយ៍របស់អ៊ីរ៉ង់ប្រចាំអង្គការសហប្រជាជាតិ ត្រូវបានដកស្រង់សម្តីដោយទូរទស្សន៍ SNN ដែលបាននិយាយថា «ការបិទផ្លូវកងទ័ពជើងទឹករបស់សហរដ្ឋអាមេរិក គឺជាការរំលោភលើបទឈប់បាញ់ ហើយយើងបានប្រាប់ពួកគេថា ពួកគេគួរតែបំបែកការបិទផ្លូវនេះ។ ដរាបណាពួកគេបំបែកការបិទផ្លូវនេះ ខ្ញុំគិតថា កិច្ចចរចាជុំបន្ទាប់នឹងធ្វើឡើងនៅទីក្រុងអ៊ីស្លាម៉ាបាដ»៕

ដោយ៖ យា ចិន្ដាខន្ដី (ប្រភព៖ តាសស៍)