AKP ភ្នំពេញ ថ្ងៃទី២៣ ខែមេសា ឆ្នាំ២០២៦--នៅទីស្តីការក្រសួងសង្គមកិច្ច អតីតយុទ្ធជន និងយុវនីតិសម្បទា នាថ្ងៃទី២២ ខែមេសា ឆ្នាំ២០២៦ ឯកឧត្តម អ៊ុង សម្បត្តិ អគ្គលេខាធិការនិងជាសមាជិកអចិន្រ្តៃយ៍ក្រុមប្រឹក្សាសកម្មភាពជនពិការ បានដឹកនាំពិភាក្សាការងារជាមួយ Mr. Anand Bahadur Chand, Head of Unit តំណាងការិយាល័យឧត្តមស្នងការសហប្រជាជាតិស្តីពីសិទ្ធិមនុស្សប្រចាំកម្ពុជា (OHCHR)។

ក្នុងជំនួបនោះ ការិយាល័យឧត្តមស្នងការសហប្រជាជាតិស្តីពីសិទ្ធិមនុស្សប្រចាំកម្ពុជា (OHCHR) មានគោលបំណងបន្តធ្វើការជាមួយក្រុមប្រឹក្សាសកម្មភាពជនពិការ អគ្គលេខាធិការដ្ឋានក្រុមប្រឹក្សាសកម្មភាពជនពិការ និងភាគីពាក់ព័ន្ធផ្សេងទៀត ដើម្បីបន្តលើកកម្ពស់ការយល់ដឹង កសាងសមត្ថភាព និងពង្រឹងកិច្ចសហការគ្នាក្នុង ឆ្នាំ២០២៦ ដើម្បីធានាឱ្យមានសិទ្ធិជនមានពិការភាពតាមបែបវិធីសាស្រ្តនិងសិទ្ធិមនុស្ស។

នៅក្នុងជំនួបពិភាក្សានេះ ក៏មានការចូលរួមពី ឯកឧត្ដមអគ្គលេខាធិការ ឯកឧត្តមអគ្គលេខាធិការរង លោកប្រធានផ្នែកស្តីទី និងតំណាង OHCHR ៕ 

ដោយ ណយ នឿន (ប្រភព៖ក្រុមប្រឹក្សាសកម្មភាពជនពិការ)